Overblog Suivre ce blog
Administration Créer mon blog
16 septembre 2012 7 16 /09 /septembre /2012 18:46

Chés moésons posse-modernisses

Chés moésons d’avint
Os connoaissez chés moésons in briques de l’djerre ed quatore avuc leu style art déco.
Os connaissez ch’estyle moderne qu’o voét dins ch’cinter-ville d’Anmiens obin d’Adville, chés moésons Phénix pi Bouygues ou coèr avuc chés immeubes ed banliue. Ben tout cho, ch’est du viu ! Ch’est du patermone !

http://www.eyrolles.com/Scan/MaxiScan/9782878111279.jpgChés moésons d’achteure

Os avoez seurmint ermartché edpus 20 énées que chés neuvèles batisses ales sont espéciales. Des colonnes, des frontons, des yus d’ bus, des voussures à chés farnètes pi d’eutes…

Meume si el moéson ale est commode pi « fonctionnelle » comme is ditent, i n’o achteure des guernitures d’architecture qui seurvent à rien pour foaire tnir el moéson.

Ch’est cho èch posse-modernisme !

 

A coeuse de chés baraques baroques

Chés améritchains is sont formidapes ! Apreu el djerre de quarinte, is ont ertiré chés cours d’Histoère ed l’Architecture ed quasimint tertoutes chés écoles d’architecture in Amérique ! Feut foère du moderne…

Hérusemint, Robert Venturi il o ieu idée ed foère un estage in Italie dins chés énées chinquante pi il o tché rédeu ed chés moésons baroques.

 

Chés batisses posse-modernisses

Allez vir Berlin pi chés nouvieux immeubes edpus 1980, l’Institut de ch’Monne Arape, l’Pyramide du Louves à Péris.

Ravisez chés gatchères ed fabrique rétampies.

A Anmiens, chés neuvèles moésons par in bos del cathédrale

A Plachy-Buyon, chés neuvèles moésons obin à Bresle ou coèr à Lamotte-Warfusée.

 

Tout cho, je l’o décoeuvert avuc ch’live « Les architectures postmodernes » ed Diane Ghirardo èque j’o li tout l’long de ch’moédeut.

 

Nomdézeu !

Repost 0
Published by nomdezeu - dans Revue de presse
commenter cet article
11 septembre 2012 2 11 /09 /septembre /2012 22:20

Avoèr des neuvèles.

 

http://www.francetogo.com/tv/logos/bfm-tv.jpg1992

Europe 1 à déjouque.

France Bleu Picardie avuc min café

Courrier picard si quèque cose s’est passié in Picardie

Pi pour ch’pus grave in France, j’acatoés Libération, France Soir obin Le Monde.

D’ertour ed min travail, j’ravisoais France 3 Picardie pi ch’jornal ed France 2.

 

2012

France Bleu Picardie à déjouque.

Avuc min café, Google actualités, Yahoo actualités (Monde, France, Sciences, Insolite, People), Courrier Picard (Picardie Maritime, Haute Picardie, Grand Amiens, Amiens)

Mails

Facebook

 

In carète…

Europe 1, France Bleu Picardie

 

D’ertour ed min travail

Mails, Facebook, Google actualités, Yahoo actualités (Monde, France, Sciences, Insolite, People), France 3 Picardie, France 2, BFMTV

 

Tiodave, drodjé d’gazettes

Quand qu'o érons eune grind-porte avuc chés neuvèles in parlage picard !?

 

Nomdézeu !

Repost 0
Published by nomdezeu - dans Revue de presse
commenter cet article
8 septembre 2012 6 08 /09 /septembre /2012 22:46

Jusse eune pinsée

 

http://www.viadeo-static.com/servlet/photo?memberId=0021ml14s3l7l93v&ts=1310457966000&type=0BRRRR

Il étoait 9 eures passié, j’étoais dins mes reuves. BRRR, BRRRR… Ch’tracteur de ch’voésin y foait un molé pusse ed bruit qu’à l’habitute… BRR, BRRR

Mais nan, ch’est dins l’cour !!!! J’me déssaque ahite ahite… Vincent qui nous baloait del terre à torchis ! « Fallot pon vous déjouquer ! » qui dit Vincent.

 

Du jambon

A 14h, j’perzinte El Fontaine Bleuse à ch’Rindez-Vous du Fleuve à Vaux dsur Sonme.

J’ainme bien ête à l’avinche à mes visites. A midi, j’arrive pi j’vo vir pour minger. Bon, feut daller in carette à gvo dusqu’à l’Fontaine, combien d’temps qui feut ? Je n’sais point…. J’vo à l’buvette pi o m’dminde « Os volez eune côtelette obin du gambon ? ».

J’rapinse à part mi : « eune cotelette, feut l’timps de tchuire, eune tranque ed gambon a iro pus vite ! ». Ben j’o ieu eune belle tranque ed gambon braisée avuc mes frites !

 

El fontaine bleuse pi eune Pinsée

Eune dijaine ed gins qui étoètent lo à l’Fontaine Bleuse pi dus dames qu’ales ont connutes l’ieu de ch’puts tornis fin bleuse.

Eme visite finite, j’erprinds m’calèche pi j’apprinds qu’o donne des noms à chés gvos conme chés tchiens! Feut batiger avuc el lette ed l’énée ! Pensée, ch’est un gvo qu’ale est née à l’énée des « P » yo 9 ans !

 

Des gins droles

J’ringe ème carette à Anmiens, j’prinds mes affoères pi j’vo à m’moéson. Chés gins que j’croése, is m’erbéyetent drole ?! J’avo à min co min badge « Rendez-vous du Fleuve » !

 

Nomdézeu !

 

 

Espéciale ducasse à Christian èque j’o apprinds l’mort par ch’jornal innhui ! Il o été conseilleu municipal d’Harponville, il o li edvint des espectateus min preume tesque in frincés pi picard « Protestants ! … » pi j’ai l’o ervu à l’darène fiète d’Harponville.


« Je regarde ton site internet. C’est bien ce que tu fais pour le dialecte picard ! »


Merchi Christian pi Adé !

 

TEXTE DE CHRISTIAN =

Si je devais choisir une seule phrase pour définir ce qui peut m'animer tant au niveau professionnel qu'au niveau citoyen, ce serait celle-ci: "Les individus, même s'ils sont conditionnés par leurs histoires familiales, scolaires et sociales antérieures, ne doivent pas être pensés comme passifs mais comme coproducteurs des mondes qu'ils traversent, disposant d'une capacité d'interprétation, d'invention des rôles"...

Elle n'est pas de moi mais de Laurence Rouleau-Berger, sociologue.....mais je me la suis appropriée ,et, j'essaie de la faire partager autour de moi

Repost 0
Published by nomdezeu - dans J'étais là
commenter cet article
7 septembre 2012 5 07 /09 /septembre /2012 15:29

 Vir Grébénote pi moérir...

 

http://www.picardie.fr/local/cache-vignettes/L250xH356/arton5105-43114.jpgSanmedi pi Diminche

Rindez-vous à ch’Fleuve  à Vaux-sur-Somme (Long du jour)

avuc Tiodave pi Contami pour des histoères in picard (Apreu-none)

 

Atelier Torchis à Grébénote avuc el présince ed l’Amiral Kerouak pi Sam (Apreu-none)

 

Fiète à bord d’ieu à Anmiens avuc des jux picards (Long du jour)

 

Plaine in fiète à Quénoé d’Araines (Long du jour)

 

Ch’est eune verlée picarde d’eune jornée à foère Sanmedi obin Diminche avuc 2h30 ed carette pour aller vir toute.

Ch’est gratuit !

 

Os allez bien foère eune mi-eure ed carette pour aller vir au moins quèquecose !

 

Nomdézeu !

Repost 0
Published by nomdezeu - dans A venir
commenter cet article
5 septembre 2012 3 05 /09 /septembre /2012 21:21

Accueil – Administration – Archives – Communication – Comptabilité - Culture -Documentation – Gestion – Organisation – Patrimoine - Planning -Tourisme - Renseignements - Ressources Humaines – Secrétariat

 

http://static9.viadeo-static.com/servlet/photo?memberId=002kqzv691xnk07&height=185&width=140&ts=946681200000Je recherche un CDI

de 20 à 30 heures par semaine

dans le secteur Albert – Amiens – Doullens.

 35 à 39 heures possibles si horaires et temps de travail aménageables.

Maximum 30 kms d’Harponville.

Salaire brut horaire à partir de 10€.

Libre après 50 jours de préavis.

Connaissances en comptabilité en partie double

Connaissances en législation sociale et gestion des paies

Gestion de site internet (contenu et mise à jour)

Créativité littéraire (livres, textes, chansons)

Pratique Facebook, blog, veille d’infos web et Internet

 

Anciens Employeurs

Association Yves Le Febvre

Association THEMAA (Association nationale des Théâtres de Marionnettes et Arts Associés)

Maison de la Culture d’Amiens

Mairie d’Amiens

Office Culturel Régional de Picardie

Agence pour le Picard

Université Picardie Jules Verne

Office de Tourisme Corbie Bocage Trois Vallées

Collège de Villers-Bocage

Amuséon

 

Autres obligations professionnelles

Tiodave anime un cours de picard le mercredi tous les 15 jours de 17h à 18h30 à l’Université Picardie Jules Verne.

Il est également le dirigeant de l’entreprise « El Ferme Grébénote » avec des visites et animations notamment durant le weekend.

 

David Lefèvre

grebenote@gmail.com

03 22 52 58 63

 

Nomdézeu !

Repost 0
Published by nomdezeu - dans A venir
commenter cet article
27 août 2012 1 27 /08 /août /2012 21:28

Min brin, os m'ons volé min brin !

 

Enfant cornemuse picardeDes monts d’autocars amon Grébénote

Ch’tchul dé smaine-chi, ch’étoait un défilé à Grébénote ! Eune file ed filière d’autocars dins chés rues pour rinde visite à l’Ferme Grébénote…. ! Bon, j’attige un molé…

I n’avoait point d’file d’attinte edvint l’cinse. Pi pour chés autocars, i n’euroait fallu qu’un seul pi coèr un titchot, un minibus à eune dijaine ed plaches. Gwen el violonisse, Mathieu, Eric ch’torcheu, chés pirates du village, Ktrine pi sin Louis d’or, ch’Tonnéyeu, sin blanc-bonnet pi leu Gael d’cornemuseu.

 

Des lattes

Ch’ti qu’il o ingénié des visses SQ2 qu’i feut des imbouts ed visseuse espécials, mi pi Sam, os l’euroèment « latté » conme is ditent chés joènes à castchète d’achteure ! Ch’est aladon qu’os ons latté chés murs de l’moéson.

 

Du brin

Os ons des cabinets écologisses avuc un sieu pi des soéyures.

Diminche soèr, Sam il est saisi d’vir que ch’sieu d’cabinets il est vuide.

I m’dminde : « T’os vuidé chés cabinets ? » - « Nan » que je li dit.

Ch’sieu il est vuide ! O cminchons no inquète peulicière ! J’téléfone à m’mère. « Ch’est-ti qu’t’éroais vuidié chés cabinets ? » - Nan

Ben adou qu’il est ch’brin ?

J’vo drière el moéson pi j’vo que ch’brin il est dsur ch’compost !!!

Ch’est ti des cabinets ambulants ?!

Que ch’ti qu’il o vuidié ch’sieu ed chés cabinets sins nous l’dire qu’i s’dénonche !!!

 

Nomdézeu !

Repost 0
Published by nomdezeu - dans J'étais là
commenter cet article
21 août 2012 2 21 /08 /août /2012 22:50

Un bac à vaques pi eune cambe à air ed tracteur

 

http://a6.sphotos.ak.fbcdn.net/hphotos-ak-ash3/s720x720/539116_4411952341387_1042879460_n.jpgEme trimpoère à mi

O passoait ch’timpe pi à ch’bout de ch’cmin à gueuche, i avoait un loésir incroéyabe à Harponville ! El piscine amon chés Legrand …. Avuc Olivier, Francis pi d’eutes, os ons-ti nagé dins l’trimpoère-lo avuc des cambes à air ed tracteur !

 

Tchumadjet pi bac à vaques

Hélène d’Harponvile (nan ale est pon ed Troyes) ale m’o épiné  avuc ses histoères ed piscine dsur Tchulmadjet.

Je li ai estpliché commint foaire eune piscine obin eune trimpoère avuc èse moéson qu’ale est à ch’pyid de l’églisse.

 

COMMENTAIRES FACEBOOK

Hélène = une super après-midi à la piscine

Tiodave Destrotilles  = Dépinser l'argint pour aller trimper sin tchul dins l'ieu ! Ch'est hontabe ! Os avez qu'à prinde ch'bac à vaques à coté ed vo moaison ! Commint que j'foésais mi à Harponville sins piscine?

Hélène  = mdr mais pour le toboggan?? On fait comment???

Tiodave Destrotilles  = Ben c'est simple !!! Tu demandes à la mairie la clé de l'église et on installe une planche du clocher jusqu'au bac à vaches. Principe = on se rhabille avant d'entrer dans l'église, on fait son signe de croix, on monte l'échelle du clocher, on se déshabille à coté des cloches, on met ses habits dans un sac hermétique qu'on tient en haut de sa tête et on se jette sur la planche jusqu'au bac et ainsi de suite !

 

Ch’est simpe, énon ? !

 

Nomdézeu !

Repost 0
Published by nomdezeu - dans A venir
commenter cet article
19 août 2012 7 19 /08 /août /2012 23:11

Autint erbéyer ch’catieu d’Vadincourt edpus Chimencourt

 

Pon d’verlée à Baiziu

Min tchul d’smaine i cminche bien ! El verlée à Baiziu, ahansé par l’Offiche ed Tourisme ed Corbin qu’ale est annulée à coeuse qu’i n’o parsonne. E malhéru d’vir cho, un poéyis qu’il o été catieu d’chés roés pi adou qu’Sinte Pusine pi Sint Léger is ont passié ! Tant pire pour chés tourisses, j’warde mes histoères pour mi...

 

El visite d’Adou

Adou, ch’est ch’canteu pi ch’musiqueu d’Ozyvo pi ed chés Gambes ed Min Pied. Ch’est li qu’il o canté chés preumes canchons qu’j’avo écrit. T’in brais ale est achteure fameuse.

 

El tirloterie Grébénote

Des gins i grattent des billets d’loterie pi d’eutes qui gaignent pusse ed 10 briques ! Ben avuc Adou, ème mère, matante, os ons foait el tirloterie Grebenote. Os ons gratté des briques… pi os ons rien gaignié !!! Sié ! 180 briques rétampies pour erfoère ch’mur de l’salle à minger à Grébénote !

 

Coin-coin pi Boum !

Diminche matan, j’chirloutoais min café trintchilemint in canesson dins l’tchuisine quind j’intinds un boum, badadoum, crac !!! Un morchieu d’torchis dépindu in heut de ch’mur de l’salle à minger qu’il o tchait à ch’pied de l’noque. Ch’est itou à l’noque-lo èque sanmedi tout l’journée, y avoait un canèrd tout seul qui foaisait prangère. Ed d’où qui vnoait, a quièche qu’il étoait ?... J’in sais rien.

Imagineu un molé que ch’canèrd i euche été lo au momint que ch’torchis i tombe… Il euroait fallu manchonner des briques pour li foère eune tombe !!! J’o ieu del canche pi pèr malheur, j’o point juer à l’tirloterie! Du brin pi ….

 

Nomdézeu !

Repost 0
Published by nomdezeu - dans J'étais là
commenter cet article
16 août 2012 4 16 /08 /août /2012 19:57

Chouffe el carette qui brûle !

 

http://www.rue89.com/sites/news/files/styles/asset_img_full/public/assets/image/2012/08/amiens.jpgTchestion ed cassis

Diminche soèr à minuit passié d'eune eure, j’o un voésin qu’il o buqué à l’porte. « Os avoez un cassis d’berzillé ! » Des joènes à castchète fin aimabe is ont voulu aérer ème carette rapport à chés caleurs d’moédeut.

 

Min wartier d’Anmiens-Nord

(Photo de Rue 89)

Min Anmiens-Nord à mi,

Ch’est ch’Piot ed Brossolette, vadrouilleu d’sin état pi rédeu d’esport, que j’o forché à édvnir professeu d’jumnastique à Anmiens pi dins chés villages alintour.

 

Ch’est Kader que j’o aidié à ernouveler sin tite ed séjour pi qui m’o invité rue Jodelle amon ses parints pour minger un boin couscous.

 

Ch’est ch’fiu Meraoumia de l’rue Fafet qu’il o voulu que j’fuche dirigeu ed cinte ed loésir (ALSH) pi itou comptabe ed Mélodie en Sous-Sol (Achuchon ed musique, rue Fafet). Os sonmes tertous dus professionnels dins chés arts.

 

Ch’est Nordine, min camarate que j’voés souvint dins chés rues près de ch’Nautilus. A un espectaque dsur Jules Verne avuc des éfants pour l’fin de cinte ed loésir, je li dit « Foais l’mère ! » (dialogues)  Pi j’intinds des « tchhhh » dins ch’micro….Nordine qui foésait l’mer !

 

J’avos coési conme surpitché « Daoud », ch’est David in arape. Mais Yannick qu’il restoait rue Brossolette i m’o donné min surpitché d’achteure « Tiodave ».

 

Amiens-Nord, ch’est picard !

 

« Chouffe ch’café qui cauffe », ch’est chés mots èque j’o intindu dins chés preumes jours qu’j’o habité à Amiens-Nord ! Du picard, de l’arape pi du frincés touillés !

 

Ch’clerc d’euniverchité, Mr Eloy, dins sin live, i dit bien que chés preumes gins vnus d’Maghrébie à Anmiens, is ont apprins ch’picard avint ch’frincés avuc leu métier d’ouvrier à l’ZI d’Amiens.

 

Avuc l’Agince pour ch’Picard, in o ieu du slam picard à ch’collège César Franck pi des jux picards avuc l’ALCO de l’rue Fonck.

 

« Bé des canchons ! » ed Tiodave. Ch’est un live ed canchons picardes qu’il o été écrit pi ingénié inter l’piscine de ch’Nautilus pi ch’terrain d’foteballe Carpintier à Anmiens-Nord.

 

Quièche qui sait èque Jacques Auvet ed chés Cabotans d’Amiens, il o été interré à l’Eglise Ste Thérèse dsur l’plache du Colvert à Anmiens-Nord ?!

 

Déméprisez point chés gins d’Anmiens-Nord, ch’est m’famille ed tchoeur !

Sinan j’brûle vo carette !

 

Nomdézeu !

Repost 0
Published by nomdezeu - dans J'étais là
commenter cet article
12 août 2012 7 12 /08 /août /2012 20:01

Apprindez l’inglais, ch’est pus aisé ! (pour mi)

 

http://ecx.images-amazon.com/images/I/518QNS3SDGL._SS500_.jpgCh’cours ed picard ed l’IUTA

Edpus 2006, j’o rimplaché Meurice, ch’espécialisse ed canchons picardes, pour animer ch’cours ed picard de chl’Institut Euniverchitaire Tertous d’Age (IUTA). Ch’est un rude labeur. Chés carabins qui vienntent in disant « Je n’sais pon paler picard » pi in fait, ch’est des intégrisses ed parlage picard ! Feut point s’berlurer sur l’signifianche ou l’terduirie d’un mot !

Vu qui n’o point d’dipleume à l’fin de l’énée, is sont grammint à n’ervenir l’énée qui suite.

 

Un prougramme d’apprintissage de 6 ans !

Adon chés élèves i ervientent d’une énée à l’eute. I feut don que j’cange mes tesques pi mes erchons chaque énée… A foait qu’edpus 2006, j’o 6 énées ed tesques, d’erchons in picard pour apprinde ch’parlage.  

 

Un live pour apprinde ch’picard

Tiodave… T’es-ti babache ?! T’os qu’à prinde ch’live d’apprintissage de ch’ picard pi rajeuter edz egzercisses à lurlure ! Sié, biéseur ! Mais ch’live-lo i n’o point été ingényé ! Chés erchons de vocabulaire, ed grammaire, d’ortografe, ch’est à mi ed zé ahanser.

 

Apprinde eune lanke à l’école

Vlo dus jours, j’o vu dsur intarnet un live asteu pour apprinde chés parlages horzins à chés nazus = « Enseigner une langue étrangère à l’école » dépulié par Hachette Education. Vlo l’réponse à min martyr ! 17 de ch’moés d’Eut 2012 èque j’aros min colis amon Grébénote ! J’attinds cho avuc impatienche !

 

Nomdézeu !

Repost 0
Published by nomdezeu - dans A venir
commenter cet article