Overblog Suivre ce blog
Administration Créer mon blog
9 novembre 2014 7 09 /11 /novembre /2014 16:52

 

Eune verlée à Montdidyi…

 

 

 

Ch'est qu'il en falloait eune


A Anmiens, quind o foait un molé ed musique, tertous el connoaiche. Chéquile ed Tournée Générale ! Achteure qu'ale est à Montdidyi, a fsoait quasimint 2 ans èque j'intindoais el litanie-lo :

« Bon, quand qu'os allez vnir à Montdidyi ème vir ? »

Pi surtoute, el gatte ! J'avoais mis dsur intarnet des réderies à vinde pi Chéquile ale o été ébeudie d'une vièle gatte avuc des bleuses fleurs d'ème grind-mère. « Qué bièle gatte ! Je l'vu pour mi ! ».

I falloait foère el livraison...


Chés boutiques ed Montdidyi


Pour vir des guénels pi des plantes cacheuses ed mouques, y o ch'fleurisse à couté del mairerie.

 

Mon Lili, tchot café d' El Cigale, est fameux pour ses concerts ed musique.

 

In plein mitan de l'boutique, un étal ed lives ed langue, tchulture pi histoère bien picard ! Ch'est l'Moéson del Presse.


Boère un café… Feut aller à ch'café « Le Bourgogne ». Ch'est simpe mais erbéyez bien chés stucs ed fleurs drière ch'comptoèr.


Acater du boin vin obin des bières picardes, ch'est à l'cave qui feut aller… El Tiotte Cave.


A ch'Gardin Parmentier, feut aller au fond à gueuche pour aller acater un bocau d' aricouts ed Soéssons avuc du piment, ch'est fameux in apéritif !


Montdidyi, chés molumints


Impossibe ed vir toute in eune jornée !

Mais hérusemint Anne-Marie de ch'Cerque Maurice Blanchard, ale avoait chés clés ed quèques molumints.


Os avons vu el Mairerie.

 


Mairie de Montdidier = Pignon en pas de moineaux, Beffroi, Appareillage de double briques

 

Les Jacquemarts de Montdidier

 

 


Pi l'églisse de Sint Sépulcre

 


Eglise du Saint Sépulcre à Montdidier

 

Mise au tombeau avec des sculptures du 16ème siècle de l'Ecole Picarde


Pi y avoait coèr à vir l'estatue Parmentier, ch'gardin japonais, el Salle du Roy, l’Église Saint Pierre, chés troès Doms, pi toute pi toute... !


Os avons fini no voéyage avuc el réderie in plein mitan de ch' cinter-ville sins avoèr prind l'timps d'aller vir chl'esposition ed cartes postales à l'salle des fiètes pi minger du sauret à chl'harengade.


Pour décoeuvrir Montdidyi, ses liux, ses molumints, ses artisses pi foère un boin séjour, y o un mot de passe ! Buquez à l'porte d'eune moéson pi dites « Caron » ! Ch'est simpe !


Nomdézeu !

Repost 0
Published by nomdezeu - dans J'étais là
commenter cet article
1 novembre 2014 6 01 /11 /novembre /2014 19:48

 

Vive chés guénels pi Boène Ennée à chés Gauloés !

 

Chés morts sont vertillants !

 

Os voloèmes foère eune vacherie pour ch'preume ed novimbe. Point des russes, des ramalineries mais un lieu tchulturel dins l'vièle étabe à vaques del Ferme Grébénote.

Quoé d'miux qué d'erchuvoèr ch'groupe « Chés morts sont vertillants ! » àch 31 octobe au soèr pour el fiète ed chés défunctés . Un grind merchi à ches artisses !

 

Installation des artistes pour la soirée du 31 octobre -

De gauche à droite, Christophe Siébert - Sam Corwynn - "Les morts vont bien !" (Krin et Usé)

 

 

Arrivée du public le 31 octobre 2014

 

 

Christophe Siébert, auteur et lecteur public, en première partie de la soirée.

 

 

Concert "Les morts vont bien" ce 31 octobre à El Ferme Grébénote revenu d'une tournée européenne.




Eune répétition d'espectaque

 

Ch'preume ed novimbe, ch'est eune répétition d'un espectaque ed l'achuchon Conte à Mi avuc des seurettes, des tayons ed rararatayons pi d'eune drôle ed rivière èque nos amisses is ont pu décoeuvrir.

 

"Déjeuner sur l'herbe" ce midi du 1er novembre 2014 avec l'association Conte à Mi

 

Spectacle de contes illustrés et sonores de l'association Conte à Mi ce 1er novembre

Dessineu : Damien Cuvillier - Musiqueu : Sam Corwynn - Conteu : Stéphane Cuvillier

 

 

 


Des guénels pi des gobelins


Ch'erbond du 2 novimbe, ch'est avuc eune bièle esposition dsur chés tiottes gins ed Picardie (Marie-Greuète, chés latuzés, ch'carimaro pi toute) pi itou eune gronnée ed guénels !

 

2 novembre 2014 - Exposition "Le petit peuple de Picardie" et des Guénels

 

 

 

Merchi gramint à tertous, artisses, gins del Tchulture pi amisses qui s'sont rindus à l'Vacherie. Vivemint qui ieuche un liu tchulturel in campagne overt à chés gins à El Ferme Grébénote !

 


Nomdézeu !

Repost 0
Published by nomdezeu - dans J'étais là
commenter cet article
5 octobre 2014 7 05 /10 /octobre /2014 19:16

 

Eune librairie à l'campagne

 

Des breumes dins ch'tan pi dins ses yus


Quoé qui feut point foère pour aller vinde un live in picard à chés gins in diminche !

 

J'avoais décanillé avint ch'solé pour daller tnir un étal à Ch'Martché de ch'Terroèr d'Acheux.

 

J'arrive dins ch'barnum pi lo, ch'est chés leumières qu'ales étoètent point décanillées. Une prise ed courant pus tèrd, ch'néon de ch'barnum i terluisoait. Ch'estand il étoait étampi in eune eure.


Eune librairie à l'campagne


Ch'est déjo rère in ville mais à l'campagne, ch'est un miraque ! Des contes, des bindes à dessin, des lives dsur chés hortillonnages, des rimes. Y avoait ed toute déballé dsur chés tabes. A l'ombe de ch'drapieu picard, y avoait itou des réclames pour des verlées ed village, des cours ed picard pi à ch'rabout del tabe, eune muchosa pi eune épinette picardes.

 

 

 

 


El pratique de ch'martché


Ales sont arrivées vers 11h d'avint-none mes pratiques senlisiennes. Chaque énnée, ch'est adité, ales vienntent acater un ou dus lives in picard pour eusses ou leus éfints. Pi à ch'départ, j'intinds toudis « à l'énnée preuchaine ! »

 

Eune gin qui resse achteure in Bertagne vient m'vir : « J'avos agincé min tchul d'esmanne pour vnir in Picardie à coeuse que j'sus Picarde. J'o vu ch'martché dsur vo site intarnet pi me vlo ! » Ale m'acate dus lives pi j'li baille un collant « Mi, ej sus Picard ! ». Ale annonche sitôt : « J'vo l'mette dsur m'carette pour bisquer chés Bertons pi leu montrer qu'os avons eune lanke pi eune tchulture itou dins ch' nord ! »

 


Bon, ben si chés rouches bonnets is débarqu'tent in Picardie, os seurons eddou qu'a vient !


Nomdézeu !


 

PS : Merchi gramint à Mme Lemaire pi ch'Comité des Fêtes d'Acheux pour leu atchueil !

 

Repost 0
Published by nomdezeu - dans J'étais là
commenter cet article
19 juillet 2014 6 19 /07 /juillet /2014 19:10

 

18h05 : Parsonne !

Pourtant chl'offiche ed tourisme ed Corbin i avoète ieu edpus hier eune dijaine ed coeup d'téléfone ed gins !

J'foais ch'tour ed l'églisse in attindant pi j'voés tous chés gins déhors au l'ombe de ch'tchoeur !

Chés gins eddins ch'molumint, os ons pu cmincher l'visite…

Ch'est pon un guide qui feut à Chrisy mais un espécialisse ed chés molumints historiques. Ch'est des tchestions à délaque qui z'ont tcheutes dsur mi !

Cmint foaire pour raneuvir chés images in bos du 18e sièque ? Cmint ermette des pintures dsur chés fresques décaties ed 1610 ?


Seurti de ch' molumint, os ons continué l'verlée dins chés rues.

Chés pus vius gins ed Chrisy is ont connu el gayole !

Un momint d'émotion avuc ch'baraquemint del Grinde Guerre….

Madame Payen étoait émeuvue d'intinde parler ed sin ratayon Ernest.

Un hommage à Alphonse Pasquier, un gin fameux de ch'village…

Il étoait 19h30 quind nous vlo mon ch'gardin in permatchulture…

Chés gins is sont restés pus d'eune eure à dminder, à n'ête tchurieus pi ébeudis.

Finalemint, os étoèmes eune vingtaine à vnir décoeuvrir Chrisy-Gailly…

Ch'père Alphonse Pasquier, il euroait seumint été contint d'vir cho !


Nomdézeu !

 

Repost 0
Published by nomdezeu - dans J'étais là
commenter cet article
23 mai 2014 5 23 /05 /mai /2014 21:02

 

Verlée d'Arro avuc des picards

 

Avisse ed timpête

A fsoait quèques moés qu'os avoèmes ahansé cho avuc chés carabins de ch'cours de picard ed l'IUTA : foère eune verlée à Arro à coeuse qu'os ons foait l'étude ed tesques in chti tout l'long ed l'énnée.

Du matin, à mitan décanillé avuc min café, j'erbéye chés neuvèles dsur intarnet.... Quoé que j'voés ! Du tan abonimabe, des Fins du Monne, des tortuwaraks, des vints à défriser eune berbis, des pleuves à gros yus qui s'annonchtent à l' Météo. Os n'vons point annuler... Quoé foère ?

Ouf, ch' est seulemint après 6 eures d'ermontée... Os érons l'timps ed foère no visite...

Arrivé timpe à Arro, on vo boère un tchot jus. El patronne ale nous dit : « N'vous foaites point d'mau, ichi os avons un micro-climat ! ». Nous vlo rassuré...

 

Ed Verdun à ch'Beffroé


Coupole du choeur de la Cathédrale d'Arras - (C) Crédit Photo Dumont 2014

Rindez-vous à ch'Cours ed Verdun avuc es borne del Voie Sacrée pi s'tiète de ch'viu molumint aux morts d'Arro. Un coup dz'iu à ch'erfuge ed l'Abbie Mont Sint Eloé pi direc à l'Cathédrale...

Dz'estatues vnues du Panthéon ed Péris, des r'liques ed Sints à foéson, un titiot christ récoué dins chés ruines de 14/18... Ch'est fin bieu !

Arrivé mon del Grinde Plache, os rinte dins un tiot café indsous chés arcades. Pi ch'patron fin fier ed nous atcheuillir à coeuse qu'il est ed Feutchières dins l'Sonme !

(c) Crédit photo Dumont 2014

Pi nos eutes, tourisses d'Anmiens, qui milent in l'air chés moésons de l'Grinde Plache, de l'Taillerie pi del Plache ed chés Héros avuc sin beffroé.

 

El Candèle pi l'Citadelle

Seurti ed chés plaches, os allons vir ch'téyate, el moéson Robespierre pi l'églisse ND des Ardents.

El Sinte Candèle - (C) Crédit photo Dumont 2014

Avuc un molé d'ieu touillé avuc de l'chire ed candèle, os pouvoez djérir d'eune maladie à ch'Mitan d'Age ! Apreu quèques pos, on rinte dins l'Citadelle...Os sommes émotionnés dvint chés noms ed soldats défunctés in 14/18 dins l'capelle Sint Louis mais ch'est foque eune frouette par rapport ch'mur ed chés 200 fusillés ed 39/45 par in bos de l'Citadelle.

 

(C) Crédit photo Dumont 2014

O finit par ch'timpe protestant d'Arro pi os ratourne à nos carettes...

Chés veudoèses pi chés draches à délaque is étoètent dins nos tiètes mais point dins chés ciux !!!

 

Nomdézeu !

 

 

Repost 0
Published by nomdezeu - dans J'étais là
commenter cet article
18 mai 2014 7 18 /05 /mai /2014 17:51

 

Ch'Comminal

 

http://i63.servimg.com/u/f63/11/83/33/92/dsc09011.jpgDes gins qui rintent dins l'cour un diminche matin...

Gin 1 = « Bonjour, min père i m'o toudis raconté qu'il intindoait ch'bruit d'un viu tracteur quind i passoait dins chés rues...Est-ti vrai ? »

Tiodave = « Biésur, ch'est ch'tracteur Eicher qu'il est dins chl'hangar !  - Mais qui ch'est vo père ? »

Gin 1 = « Ben, ch'est Bernard, chl'épicier ed Toutincourt qui vient ed défuncter in déchimbe."

Tiodave = « Ah, ch'est Frères Roger ! Ej z'o bien connu!  Mais qué rapport avuc ch'tracteur ? »

Gin 1 = « Ben, j'sus rédeu ed viux tracteurs, j'sus collectionneu. »

Tiodave = « Désolé, ch'tracteur à min grind-père, i n'est mie à vinde »

 

Ch'comminal

Avuc ch'fiu à Bernard, os s'ons ramintuvé ch'camion « Le Café Quotidien » qui passoait à Harponville. « Ch'comminal » étoait ch'surpitché à chés frères Roger ed Toutincourt. Ch'fiu i ne l'savoait meume point ! Ch'fourgon avec martché dsur « Le Café Quotidien » il o foait des tchilomètes ed tournée pour seurvir chés gins conme ème grind-mère. Pi mi, qu'j'o resté à Anmiens-Nord, j'o ieu gramint du plaisi à l'ervir ch'fourgon « Le Café Quotidien », toudis l'meume, qu'il o seurvi coèr quèques énnées à ch'Pigeonnier d'Anmiens pour vinde des lédjeumes.

 

Quind chés souvenanches i rintent dins l'cour ed El Ferme Grébénote...

 

Nomdézeu !

Repost 0
Published by nomdezeu - dans J'étais là
commenter cet article
20 avril 2014 7 20 /04 /avril /2014 18:38

 

Mettre du picard dans la tête des gens...

Des gins d'Harponville fin picards...

 

Eune erchon dsur chés politesses picardes

El 19 d'avri 2014, os étoèmes 10 à chl'atelier ed picard.

Il est 17h. Parsonne !

17h01 = Eune gin à pied pi un gin qui vient avuc s'moto à quate reules

17h05 = 10 parsonnes perzintes pour chl'atelier

 

Un momint de grind bonheur !

Marie-Jo, chés gins de l'Ferme d'el Grinde Djeule, Helene Destroy, Jasmine...

Ch'maire d'Harponville a assisté à tout l'atelier de picard !

On a débordé de plus d'une demie-heure !

« J'o jamoais été à l'école d'Harponville » qui dit min voésin d'rue originaire de Pas de Calais.

Bref.... Du Bonheur !!!!

 

Apreu chl'atelier...

El jornalisse de ch'Courrier Picard, ale attindoait à l'Salle ed chés fiètes ! Ale o vu parsonne !

J'o erchu itou un émile el lindmain d'un gin d'Harponvillle qui dit « Ch'français, ch'est du picard gadrouillé ! »

 

Jusse du bonheur !

 

Nomdézeu !

Repost 0
Published by nomdezeu - dans J'étais là
commenter cet article
18 janvier 2014 6 18 /01 /janvier /2014 20:53

I s'erperzinte à chés élections !

 

http://farm8.staticflickr.com/7361/12018090415_9339f4bb2a.jpgChés voeux ed ch'maire

Harponville, 173 habitants pi 67 perzints à chés voeux de ch' Maire. A vos cartchulettes, a foait quasimint 40 % ed chés gins d'Harponville ! Chés viux, chés moins viux, chés mitans d' jonnes, chés jonnes pi chés nazus, is étoètent tertous lo à l'salle des fiètes. 

 

Qué neuvèles?

http://farm6.staticflickr.com/5542/12018933966_a594ed77eb.jpgGérard i prind s'ertraite ! In ertraite ed sin état ed machonneux, i s'met in ertraite d'adjoint à ch'maire !

El mairerie ale est in route à ête raneuver pi chés treus dins l'rue ed Warloé, ch'est pour mette des leumières publiques edvint chés moésons neuves.

Soin à vous eutes, o n'povez pus mette eune gin non candidate sur ch'bulletin ed vote à chés munichipales pi itou y feut èque vous éyèches vo carte d'idintité obin vo carte d'éliseu pour daller voter!

Pi chés dotations de chl'Etat ? Ben ales bachent, ales bachent....

Ch'est à l'fin de s'dirie èque no maire i l'o annonché qui s'erperzintoait !

Meume ch'Courrier Picard il étoait lo pour annoncher l'évènemint seurmint dins ch'jornal ed lindi...

 

Ch'tchot Echo d'Harponville

http://farm4.staticflickr.com/3680/12018119615_f964be50fc.jpgA foait 33 énées qu' el gazette "Le Petit Echo" ale est dépuliée à Harponville. Ed preume, ch'étoait chés élèves ed l'école qui l'feusoètent. El école freumée, ch'est adon des boènes gins qui l'foètent. L'énée darnière, ch'étoait coère Isabelle del rue d'Varennes qui l'écriveu. Achteure, ch'est Marie pi Cathy à ch'quatercmins Grès Bénote d'Harponville qu'ales sont chés rédigeuses.

Pusse ed 20 ans èque chés impots is ont point eugminté à Harponville !

100 Uros el location del salle des fiètes (sins erpos) pour chés horzins.

Ch'Cinte Commeunal d'Aiude Seucial il o un compte à pusse ed 600 Uros.

Chés Blanques Pavioles is ont ieu quasimint 200 Uros d'erchette.

Marcelle, ale o yeu 100 ans ch'preume mars 2013 !

Pi troés pages dsur Pimp min Gardin, El Fiète del Musique 2013 pi l'Atelier de Corwynn !

 

"Paix,Bonheur, Joie de vivre, Sérénité, Santé, Fraternité, Amitié, Amour "

qui dit ch'maire dins ch "Petit Echo" d'Harponville...

 

Nomdézeu !

Repost 0
Published by nomdezeu - dans J'étais là
commenter cet article
14 décembre 2013 6 14 /12 /décembre /2013 21:15

Quind chés portes ales ervindictent leus retraites !


 

http://farm6.staticflickr.com/5540/11372381953_613439a21f.jpgQuind eune huche ale pète les gonds !

Diminche darnier, je vnoais ed freumer l’porte pi avuc ème feutchille, j’étoais in route pour ch’gardin pour mi coeuper des lanchrons à no lapan. D’un coeup, Sam ch’Corbieu il houpe = “Tio, os ons un problème !” Pire èque “Youstonne, os ons un problème !” Quoé qui s’passe don?

Ch’étoait no porte qu’ale avoait berzillé sin gond d’in heut!


 

L’ertraite à pusse ed 150 ans.

El porte-lo, je l’o toudis connu. Ch’est un modèle ed 50 ; point ed 1950 mais ed 1850 ! Il étoait timps pour ale ed prinde s’ertraite pi ale nous l’o bien ervindiqué !

Pindant quèques jors, seurtir del moaison, ch’étoait passier pèr l’étchurie…


 

El nouvièle porte

http://farm6.staticflickr.com/5500/11372238645_42c4e0cecf.jpgCh’est une porte un molé maniérée qu’ale o erprind l’offiche.

Ale vient d’Artchèves. Os connoéssoez seurmint ch’poéyis-lo. Ch’est lo èque chés madjètes ales rintent dins vos moésons sitôt vos portes interbaillées ! Pourvu que je n’in ertreuve point eune dins min lit !


 

Nomdézeu !

Repost 0
Published by nomdezeu - dans J'étais là
commenter cet article
1 novembre 2013 5 01 /11 /novembre /2013 12:56

Eune drole ed jor...


 

http://blog.france3.fr/picardie-la-mer/wp-content/blogs.dir/155/files/2013/10/20131008_145549.jpgBoin anus à tertous !

Os sonmes el 31 octobe pi j’viens ed finir min euvrage. Ch’est innhui qu’o fête chés Guénels, Samain pi Halloween. J’sus invité à eune tchotte série pi j’o idée d’aller acater un boutchet d’fleur pi eune boutèle ed vin pour chés gins qui m’erchuve. J’rinte dins ch’moète-marqué pi j’vo dins ch’royon ed chés fleurs jusse à couté ed chés réchu-tchuls. Lo, un honme prind un patchet ed réchu-tchul pi sitôt sin blanc-bonnet ale i dit : “Nan, t’os prins du réchu-tchul perfumé avec du sinboin. Ch’docteur, il o dit èque ch’étoait maouais pour nos anus !”


 

Eune lette à Grébénote

J’rinte à l’moéson, j’ovre el boète às lettes… Une lette ed réclame…. Ch’est el preume foés èque j’erchoés eune réclame pour èm interprinse El Ferme Grébénote à coeuse qu’ale est dins chés Pages Gannes in Cinte Tchulturel ! Ch’est  eune seuciété qu’ale rétampit des manicraques ed son pi d’leumière alectroniques pour chés espectaques ! Cmint que j’vo pouvoèr leu réponde, qu’à Grébénote, os ons coèr des fusibes in porchlaine ! Is sont-ti équipés pour?


 

Eune série à ch’presbytère

El soérée ale est dins eune moéson à l’plache de l’ancien presbytère. A part mi, je sus un peu moneu d’aller fêter des chorchèles, des dius gauloès dins quasimint l’moéson de ch’tchuré ! Ch’est pon gramint catholique tout o ! Mais erbéyez bien : Saint Martin i n’o creusé des Guénels à Dunkerque pi dins l’canchon, y o meume ch’tchot Jésus !


 

Nomdézeu !


 

Repost 0
Published by nomdezeu - dans J'étais là
commenter cet article