Un trannemint d'terre in Picardie
El terre ale o tranné inter Roé pi Noéyon sanmedi à 11h30 du soèr.
2,5 ed granditute erssinti par chés gins pi chés bétals !
Chés verres dins l'commode is ont quasimint tintés.
A vous foait des frinchonnemints dins vo lit.
Os ons souvenanche de ch 'trannemint d'terre ed 1580 adou qu'chés cloques del cathédrale ed Bieuvais ales ont sonné.
Ch'volcan i s'réveille
Pour mi, ch'est ch'coeup d'avint. El catastrophe ale arrive.
Ch'Mont Soufflard i s'décanille !
Os savoait pétète point mais os avons un volcan in Picardie à Broyes.
J'voés déjo ch'malheur avuc des monts d'lave qui découltent dsur Montdidyi.
Des nués d'chinde dsur 50 tchilomètes alintour.
A sro el fin de ch' Monne Picard !!!!!
Et dire qu'avuc min salaire au Smic, j'auro point l'timps d'acater un costume pour mi mette à min interremint pi aladon un certcheuil !