Overblog Suivre ce blog
Editer l'article Administration Créer mon blog
19 septembre 2016 1 19 /09 /septembre /2016 19:15

Tchotchotte (Marie-Madeleine Duquef) vient de nous quitter à 94 ans ce samedi 17 septembre 2016. Auteure de chl'amassoèr (dictionnaire du picard du quartier Saint Leu), c'est l'âme même du quartier Saint Leu qui s'en va. Quai Bélu, une maison sera bien triste. Je garde en mémoire une dame élégante, forte et amoureuse, éperdument amoureuse de la langue et la culture picardes du quartier Saint Leu d'Amiens.

 

Tchotchotte, ch’est surtoute sin amassoèr, un dictionnaire ed mots picards de ch’wartier Sint Leu.
J’étoais à ch’cinte ed documintation de l’Moéson de ch’Théyate à Anmiens en 1998 quind j’o vu un  live tout simpe dins chés étagères èque j’o li pi erli.

 

Ch’l amassoèr, je l’o acaté tourade quind il o été dépulié par El Librairie du Labyrinthe in 2004. Meume èque Tchotchotte ale o fait eune signure.

 

Vers 2008, avuc l’achuchon Ozyvo, os faisoèmes un concert ed canchons picardes dins un café dins l’rue Saint Leu pi d’un coeup, os voéyons arriver eune tchotte dame avuc sin imper…. Tchotchotte !!! Lo, assis dsur un binc de ch’cabaret pi à acouter chés canchons in picard !!! Qué bonheur pi quelle honneur !
J’o toudis dsur min bros èse main sarrée pour el ramener à des heures hontabes à s’moéson. Bras dessous bras dessus…

 

In 2012, à l’fête del musique, el canchon « Min Tchot Leu » ale résonnoait coèr dins l’rue Sint Leu d’Anmiens.

VIDEO ICI

 

Ch’est coèr par ch’picard èque j’o ieu des neuvèles. Christiane ed min atelier d’picard à l’IUTA ale alloait l’vir conme visiteuse à chl’Hopital ed Corbin. Et dire que ch’étoait s’prof ed jumnastique !

 

J’o eune pinsée amiteuse pour Yann (sin tchot neveu), Philippe (ch'libraire) , Tchot Phane (Chés diseux d'Achteure) pi Christiane.

 

Adé Tchotchotte pi là heut, foait un bec à m’grind-mère qu’ale est née à ch’ 109.

 

Je l’entends dire « Os allez mie braire, feut canter ! »

"Foais vit dodo min tchot leu,
ou j'm'ein vos houper ch' Mon-sieu
Qui vein-ro à pieds décoeux,
Por èt mett' dains sin capieu !

Partager cet article

Repost 0
Published by nomdezeu
commenter cet article

commentaires