Du parlage picard à vos farnètes…
O guénel ! O guénel !
Ayé, ch’est l’momint ed creuser vos betraves à chuques pour foaire des guénels ! O savoez-ti èque ch’est rapport à Sint Martin qu’os ons des lanternes in betrave pi pour chés améritchains in chitroule ? El léginde ale dit que Sint Martin il o été à Dunkerque avuc sin beudet pour rinde visite à chés gins. Il o ahotché sin beudet à un estaminet pi il o parti vir chés gins. Mais d’ertour qui feusoait nuit, sin beudet il avoait déguerpi dins chés crocs ! Martin il o dmindé à chés éfants ed creuser dins des betraves des lanternes pour aller tracher sin beudet. Pi ils l'ont ertreuvés !
Sint Colas, Raas Assana pi Hanoucca !
Chés joènes d’achteure is sont matchés d’intarnet ! Invoyez leu eune carte postale pour Sinte Catrine obin Sint Colas ! Is sront ébeudis d’vir que ch’facteur i l’o du courrier pour eusses ! pi rin dins s’ boète émile…
Sinan vlo chés fiètes picardes qu’os pouvez ahotcher à vos cassis.
Amoutrez vo picard !
