Overblog Suivre ce blog
Editer l'article Administration Créer mon blog
27 décembre 2012 4 27 /12 /décembre /2012 21:10

Os lavez vos tchulottes combien d’foés par smaine ?

 

Infin in vagances, j’in preufite pour canger ch’nom de chés factures d’alectricité à Grébénote.

 

http://www.chb-yadis.fr/wp-content/uploads/2010/12/elec-ampoule1.jpgCoeup d’téléfone à EDF Pro  

Tiodave = Bojour, j’vorai canger ch’nom de ch’compteur alectrique vu ch’est mi achteure qui resse à l’moéson.

Conseilleu = Os êtes toudis cinsier ?   

Tiodave = Nan, quoé qu’a cange ?

Conseilleu = Ben i nous feut vo liméro Siret sinan ch’est qu’os êtes eune gin point eune interprinse pi feut euvrir un compte à EDF Particuliers

Tiodave = Ben, ème grind-mère ale étoait edpus longmint in r’traite pi ale n’o mie canger d’compte.

Conseilleu = Ben si no controleu il avoait passié, os éroèmes freumer sin compteur alectrique ! Ale o ieu de l’canche !  

Tiodave = Bon, pi mi, quoé qui feut que j’foaiche ?

Conseilleu = Appelez EDF Particuliers pi surtoute n’dites point qu’y o déjo un compte EDF Pro pour foaire ch’cangemint !

Tiodave = !!!!!!!!

 

Coeup d’téléfone à EDF Particuliers

Tiodave = Bojour, j’vorai cangé ch’nom d’un compteur alectrique.

Conseilleu = Sié, biésur, ch’est à quelle adrèche ?

Tiodave = A Grébénote

Conseilleu = Avant d’foaire ch’cangemint, os vous coeuffez avuc quoé ?

Tiodave = Ben avuc un poêle à bos.

Conseilleu = Oui, ch’est ch’coeuffage ed vo salon mais chés eutes pièches del moéson ? Ch’est des radiateurs alectriques ?

Tiodave = Nan, j’o qu’un poêle pour coeuffer tout l’moéson.

Conseilleu = !!!? Pi dins vo tchuisine, os avoez un four, un micro-onde?

Tiodave = Nan, j’o ch’four de ch’poêle à bos pi eune plaque alectrique.

Conseilleu = Dins vos salle ed bain, os avoez un coeuffe-ieu?

Tiodave = J’o point d’salle d’ieu. J’coeuffe mn’ieu dins eune bouilloère dsur ch’poêle.

Conseilleu = (Silince dins ch’combiné) Euh… ben ch’cangement est foait. Os érez qu’à nous invoéyer tous les moés chés chiffles ed vo compteur pi l’coutanche ale vous sro débitée dsur vo compte.

Tiodave = Ben mi j’voloais foaire un chèque tous les 2 moés.

Conseilleu = Os volez erlever ch’compteur vos-eutes obin que ch’ préposé i passe ?

Tiodave = Quoé qu’a cange ?

Conseilleu = Ben si o rapassez tous les moés vir vos chiffles ed compteur, l’coutanche sro à ch’prix réel mais avuc un préposé a sro un forfait. Pi si os avoez moins dépinsé d’alectricté, ch’trop i vous sro rimboursé.

Tiodave = Ej n’o mie l’timps d’aller vir chés liméros dérouler à min compteur tout les moés. Foaites passier vo préposé !

Conseilleu = Bon, ben a sro 20 uros par moés. Pi si y n’o d’trop, a vous sro rimboursé à l’fin d’l’énée ! Adé !

 

Avis d’Tiodave = EDF ale vut pétète savoèr itou combien d’foés par moés que j’lave mes tchulottes ? Nan ?

Pi l’ergint qui warde ed forfait pindint des moés avint d’vous rimbourser, adou qu’ils mettent ? Dins des actions, des obligations ???

 

Nomdézeu !

Partager cet article

Repost 0
Published by nomdezeu - dans Cassemint d'tête
commenter cet article

commentaires