Chint ans apreu quatore…

Chés gins artisses

edvint l'Cathédrale d'Anmiens

A ch' molumint à morts pour l'tchulture in Picardie, y o déjo gravé :

Atelier 142 dins l'Oèse

  Acouzic dins l'Sonme

pi seurmint d'eutes èque j'o oblié.

Photo : "Picarde maudissant la guerre" à Péronne

A l'saison ed chés tourisses, on vo conme d'habitude pinturlurer l'edvanture del Cathédrale d'Anmiens avuc des lumions. Mais ch't 'énée-chi, y iéro eune chimtière edvant !

Des gins à tricot d'pieu noèr avuc dins leu dos eune croé blanque...

Ch'est l'protestation ed chés intermittents d'espectaque rapport à l'neuvèle convention ed joke.

Un intermittent dins l'espectaque, ch'est eune gin artisse obin technicien qui l'o droét à eune pinsion ed joke espéciale rapport à sin euvrage.

« Espéciale » car os êtes, vous eutes, asseurés ed travailler 35h par smaine. Un intermittent i n'sait pon si y vo avoèr un espectaque tous les jours. Y feut 507 eures pour avoèr el droit d'ête intermittent et pour ête simpe, i doét quasimint foaire un espectaque par smaine ! Quièche qui compte chés eures passiées à écrire, à répéter, à mette in plache, à vinde ch'espectaque !

No Picardie meurdrie pour la France ?

El résistance conte el réforme ed territoère ale est aroutée !

Dins l'Aisne, os avons achteure eune « Organisation pour la Liberté de la Picardie ».

Dins l'Oèse, no ernu ed Flipe Boulfroé d'Achteure i dminde l'asile tchulturel à ch'roé ed Belgique !

Pi dins l'Sonme, os s'dminde « Quoé qu'os avoètes conte no Picardie » avuc eune vidéo est à vir lo.

Chint ans apreu, a bataille coèr dur dins no Picardie !

Nomdézeu !

Is veulent toute démazinguer !

No Picardie offinsée, démazinguée, chicatrée, mais no Picardie délibérée !?

Ch'houppe du 18 juin ed De Gaulle (né natif ed Lille) il est dins quèques jors. Combien qu'is l'ont intindu pour résister in Picardie ?

Achteure, Mimolet i vut raloéyer el Picardie avuc el Champagne !.... Bé don ! Gadrouille de ch'Lanchron pi mi os ons ieu el meume rapinsemint. Is s'sont berlurés ed dossier ! Ch'étoét pour quatore-diche huit pi l'granne djerre.... Chés batailles del Sonme, ed Verdun, chés Cmins des Dames ...

Chés résistints ed Picardie

A n'o point été lon à ervindiquer...

Des signurations, des pages dsur Tchulmadjet, edz artiques pi toute...

Vlo chés loéyins intarnet :

Pétition "Pas de langue picarde sans Picardie"

 Communauté contre la fusion Picardie Champagne sur Tchulmadjet (Facebook)

Article Courrier Picard du 6 juin 2014

Urchon Pico n°160 avec sa région "Alacon"

Tiodave à Cerisy

La maison d'Alphonse Pasquier à Cerisy (80)

Innhui, un verdi 13, j'o été vir Chrisy célèbe pour un fameux gin, Alphonse Pasquier pour ahanser eune verlée ed village pour chés tourissses. Fonse il o vétchu el djerre ed quatore. Il l'o si bien raconté dins sin live « Cerisy-Gailly, mon village ». Sin fiu, Hubert, quasimint 18 ans, il o été déporté in 1943 à Buchenwald. Fonse, il étoait Picard dins sin tchoeur, a ramouille chés pages ed sin live...

Os allez mie foère radéfuncter no Fonse ! Résistez !

Nomdézeu !

Pinsée pour Ch'Lafleur (Frédéric Domon) qui sroait dins chés rues achteure pour manifester.

Is ont pinturé pour nous ramintuver...

Pinturer ch'mur de l' Briqueterie

Commindée pèr chés Robins edz Arts, l'achuchon ed chés carabins d'arts d'Anmiens, y o achteure une fresque fin émeuvante pi aladon bel et bieuse dsur ch'pignon d'el Briqueterie. Ch'est chés « muche-misère » (cache-misère) qu'is ont foait chl'euvrage-lo. Cmint que je l'sais ? Camille, un dessineu grapheu de ch'collectif « Cache-misère », il est un fiu ed picardisant d'Achteure !

El pinture décrivée

Description de la fresque en picard - la traduction en français est ci-dessous.

Un joène qui foait eune pissiate dins un casque d'uhlan avuc eune bayonnette à l'chinture

Dins sin dous, un char... Chés preumiers chars d'assaut is étoètent à Flers pindant l'bataille ed la Sonme in sectimbe 1916.

Pèr au-dsus, eune djeule démazinguée...

Chés fèmes, dins chés fabriques, ales étoètent lo à foère chés bombes, chés obus, chés grenades...

Ch'tortillard, il o amené chés munitions dsur ch'front.

Chés villes conme Anmiens, ales ont erchu des bombardemints.

Un single clotcher in brique raminteuve tertous chés villages, chés poéyis démazingués

Eune brongne, eune fidjure d'un soldat épaveudé avec des yux conme des sougattes... Mais béyez bien... Y o eune balle qui trécope ces boyeux d'chervelle ! El balle ale est jusse in dsous de ch' clotcher.

Chés tirailleux, chés zouaves, chés chinoés, chés « bananias », paures gins ed chés colonies qu'is étoètent lo à s'batte sins rin comprinde à quoé qui s'passoait...

Pi à ch'gron de chl'escayer, des fils ed barbelés pi des mahons in souvenanche...

Merchi gramint de vous raminteuver avuc vos arts d'achteure !

Os êtes eune jonnesse formidape !

Description de la fresque

Une fraîche recrue pisse dans un casque de boche, baïonnette à la ceinture.

En son dos, un char... Les premiers chars furent lancés à Flers pendant la Bataille de la Somme en septembre 1916. Au-dessus, une gueule cassée...

Les femmes oeuvrent dans les armureries à coup de bombes, d'obus et de grenades.

Le chemin de fer local amène les obus sur le front.

Des villes comme Amiens subissent des bombardements.

Un simple clocher en brique signale tous les villages détruits durant la Première Guerre Mondiale.

Un visage stupéfait avec des yeux effarés... Mais soyez attentifs... Une balle lui traverse le crâne ! Elle est juste en-dessous du clocher.

Pauvres tirailleurs, zouaves et autres chinois, nos « bananias », pauvres gens venus des colonies qui étaient là pour combattre sans rien comprendre.

Et au pied de l'escalier, remarquez les fils barbelés et les coquelicots du souvenir...

Un énorme merci pour cette commémoration avec des arts contemporains !

Vous êtes une jeunesse formidable !

Nomdézeu !

(c) Crédit photo 2014  Collectif Cache-misère - commande des Robins des Arts - AMIENS

Voici le résultat du vote des députés français concernés par la langue picarde

Régions Picardie et Nord-Pas de Calais et Seine-Maritime (6^ème circonscription)

POUR = Allossery Jean-Pierre 59 (PS), Baert Dominique 59 (DVG), Bataille Christian 59 (PS), Bays Nicolas 62 (PS), Bocquet Alain 59 (PCF), Borloo Jean-Louis 59 (PR), Bourguignon Brigitte 62 (PS), Bricout Jean-Louis 02 (PS), Buisine Jean-Claude 80 (PS), Capet Yann 62 (PS), Cottel Jean-Jacques 62 (PS), Decool Jean-Pierre 59 (UMP), Delcourt Guy 62 (PS), Demilly Stéphane 80 (NC), Dosière René 02 (SRC), Dufour-Tonini Anne-Lise 59 (PS), Guilbert Thérèse 62 (PS), Hurel Sandrine 76 (PS), Janquin Serge 62 (PS), Kemel Philippe 62 (PS), Krabal Jacques 02 (PRG), Lefait Michel 62 (PS), Linkenheld Audrey 59 (PS), Maquet Jacqueline 62 (PS), Pauvros Rémi 59 (PS), Pompili Barbara 80 (EELV), Roman Bernard 59 (PS), Saint-André Stéphane 62 (PRG), Vercamer Francis 59 (NC), Villain François-Xavier 59 (DLR)

CONTRE = Bechtel Marie-Françoise 02 (MRC), Bertrand Xavier 02 (UMP), Candelier Jean-Jacques 59 (PCF), Carvalho Patrice 60 (FG), Courtial Edouard 60 (UMP), Damarnin Gérard 59 (UMP), Dassault Olivier 60 (UMP), Daubresse Marc-Philippe 59 (UMP), Degauchy Lucien 60 (UMP), Dolez Marc 59 (PG), Durand Yves 59 (PS), Fasquelle Daniel 62 (UMP), Gérard Bernard 59 (UMP), Gest Alain 80 (UMP), Hutin Christian 59 (MRC), Huyghe Sébastien 59 (UMP), Lazaro Thierry 59 (UMP), Mancel Jean-François 60 (UMP), Woerth Eric 60 (UMP)

Absents de la liste des votes exprimés (pour, contre, abstention) = Boistard Pascale 80 (PS), Françaix  Michel 60 (PS)

VOIR VOTE ASSEMBLEE NATIONALE

Les résultats

Résultats pour la Grande Picardie (02-59-60-62-76-80) = 30 pour (61 %) – 19 contre (39%)

Résultats pour la Picardie = 6 pour  (34 %) – 9 contre (66 %).

La majorité des députés de la Région Picardie sont opposés à la ratification de la Charte sur les Langues Régionales.

Résultats pour le Nord-Pas de Calais =  23 pour (70 %) – 10 contre (30 %)

La majorité des députés de la Région Nord-Pas de Calais sont favorables à la ratification de la Charte sur les Langues Régionales.

Résultats pour l’Aisne = 3 pour et 2 contre

Résultats pour le Nord = 12 pour et 9 contre

Résultats pour l’Oise = 0 pour et 5 contre

Résultats pour la Somme = 3 pour et 1 contre

Résultats pour le Pas de Calais = 11 pour et 1 contre

Vote contraire au groupe parlementaire du député  =

Les députés Bechtel et Hutin ont voté contre malgré le groupe parlementaire socialiste qui a voté pour.

Le député Decool a voté pour alors que le groupe UMP a voté majoritairement contre.

Les députés Candelier, Carvalho, Dolez ont voté contre.

Remarques de Tiodave =

Il y a contradiction entre la politique régionale (Conseil Régional) et la position politique de nos députés. Le Conseil Régional de Picardie fait un effort financier conséquent pour la langue et la culture picardes  alors que le Conseil Régional du Nord-Pas de Calais ne souhaite pas accorder un effort financier particulier pour la langue picarde (ou chtimi).

En cas de fusion des régions Picardie et Nord-Pas de Calais, quelle sera la politique en matière de Langue et Culture Régionales ?

Le département de l’Oise semble « à l’unanimité » contre la Charte des Langues Régionales. Pourquoi Monsieur Michel Francaix, député PS de l’Oise, n’a pas voté ?

Quelle est la position de Madame Pascale Boistard, député de la Somme ?

Enfin je vous invite à envoyer un message à votre député, que ce soit pour le féliciter, lui montrer votre désaccord ou simplement lui faire partager votre expérience de pratique de la langue picarde ou chti !

La prochaine étape est un vote du Sénat, envoyez également un message de soutien de la Langue Picarde à votre Sénateur !

Nomdézeu !

Ch’est  mie l’feute à Voltaire !

Kévin, ch’tiot père corporé

Il o 22 ans. Il o singlemint ed z’heurmones qui joutent à tirlibibi. Cha foait qu’il est un molé corporé, dodeluté. I n’est point gros, il est malate ! Os volez des chiffles, binde ed quaterlangues!... I o eune corporance ed 230 tchilos. Ayé, os n’avez assez?!

Il o bsoin d’aiude pour respirer avuc ed l’ocsigène pi pour s’déplacher, i foait avuc un motocadou.

Kévin, aboli d’aéro, d’batieu pi d’train

Il o du rester quasimint 15 jors ed pusse à chés Amériques à coeuse ed chés aéros British Airways is n’voloètent point leu prinde. Ch’batieu Queen Mary il o rfusé itou !

Ch’est chés aéros Virgin Atlantic qui l’ont prins pour daller dusqu’à Londes gratissemint.

Mais ch’cauquemar il étoait point défini…. Impossibe à Londes ed prinde l’ Uroétoèle, à coeuse de ch’tunnel indsous l’mer! Pi ch’est avuc l’aiude gratiuse ed Uroétoèle pi ed PpiO, qu’il o prins ch’batieu dusqu’in France. A Ferney-Voltaire, o l’attinds rondébilis !

Des gins qui n’sont point comme nous eutes….

Des nègues noèrs, des nègues blancs, des affligès, des gros, des sés, des grinds, des tchots, des tatasses, des às cavieus roux, des qui niflent, des tchoeurfallis, des anti-frincés pi pire des joènes ou des parleus ed patois ! Tout insanne, ch’est no France !

Gros bés à ti, Kévin ! Pi prins bin soin ed ti !

Nomdézeu !