Overblog Suivre ce blog
Administration Créer mon blog
1 février 2013 5 01 /02 /février /2013 22:06

PSJ.jpgUn single chèque ed pusse…

 

Eune grinde neuvèle !

Judi 31 jinvier, tous chés picards is n’in pouvoètent pus…. Attinde el grinde neuvèle qui vo canger el vie ed chés gins d’Amiens, d’Adville pi d’eutes poéyis …

Pi d’un coeup, ch’est foait ! David Beckham i vo juer à ch’ PSG  avuc un salaire ed 800 000 uros pèr moés ! Ch’est eune boène neuvèle, énon ?

 

Apreu PSG, ch’PSJ

Mossieu Tamim ben Hamad Al Thani qu’os êtes cheikh, os pouvoez-ti foère un eute chèque?

El Qatar Investment Authority (QIA) qu’ale o des accatoères pour poéyer David Beckham quasimint 10 miyons d’uros pèr énée, ale peut-ti in mette d’eutes « David Beckham » in Picardie ?  

Avuc 8 « David Beckham » (80 000 000 d’uros pèr an), os pouvoètes rétampir l’église Sint Jacques d’Adville (15 000 000 uros) pi os pouvoètes racater l’interprinse GoodYear d’Anmiens (65 000 000 uros). Pi lo, os n’in treuverez des jonnes d’Anmiens pi d’Adville qui vous front eune étchipe ed fotballe qu’ale s’appellero PSJ « Pneu Sint Jacques » !

 

Nomdézeu !

Repost 0
Published by nomdezeu - dans Revue de presse
commenter cet article
29 janvier 2013 2 29 /01 /janvier /2013 23:12

D'où que tu parles ?

 

http://static.ladepeche.fr/content/photo/biz/2013/01/29/201301291558_w350.jpgUn accint occitan

 

Un single mot  " adieussatz" in occitan, ch'parlage ed Toulouse pi os avoez des fèmes pi des honmes qu'is tchèttent in amour pour vous eutes ! Rasseurez-vous, si os connoaissez point ch'parlage occitan, i suffit d'avoèr sin accint ! Ch'est l'accint el plus seksy ed France !

 

 

Un accint picard

 

El pus drôle qui dit ch'sondage, ch'est chl'accint picard obin chti. 74% des frincés qui trouvtent -té drole d'intinde eune gin dviser avuc un accint picard !

 

Treuver sin amourage

Ch'proverbe i dit  " Eune fème obin un honme qui rit , il est à mitan dins sin lit ".

Foaites don des cacoules in picard obin in tchimi à l'intamure pi à ch'momint ed défoaire vo tchulotte obin vo canesson, prindez l'accent ed Toulouse !

Pour el resse, je vus point savoèr ! Binde ed dédjeulasses !

 

 Nomdézeu !

 

Repost 0
Published by nomdezeu - dans Revue de presse
commenter cet article
18 décembre 2012 2 18 /12 /décembre /2012 21:29

Fin-du-monde-2012-web-copie-1.jpg

Repost 0
Published by nomdezeu - dans Revue de presse
commenter cet article
21 novembre 2012 3 21 /11 /novembre /2012 19:59

http://sphotos-h.ak.fbcdn.net/hphotos-ak-ash3/32425_4477696414132_1179798891_n.jpg

Repost 0
Published by nomdezeu - dans Revue de presse
commenter cet article
16 novembre 2012 5 16 /11 /novembre /2012 19:06

Des gins ed tertous nos poéyis

 

http://image-uniservice.copainsdavant.com/image/450/4/1079604823/2769291.jpgCh’est d’hasard èque  j’o tché merdi 13 novimbe 2012 sur el deuzième caine « France 2 ». Tchumadjet pi d’eutes, is l’avoètent annonché edpus quèques jors. Des picards, is alloètent passier à l’télé !

 

Nos amisses d’Occitanie pi d’Mars !

Chés Celtes avuc leus kilts is sont vnus ed  Mars ! Pon l’planète mais un titiot poéyis du départemint del Loère. Chés Celkilts is ont donné un sapré coeup d’cachoère à Brahms.

Vir ichi Celkilt.

 

Chl’occitan afflatoait avuc doucheur el musique à Verdi aveuc ch’troubadour ed Joanda.

Vir ichi Joanda.

 

Nos gins picards

Ch’pus jonne, ch’est MattRach. Ch’est un picardo-chti ed  Gommegnies près ed Bavay. Avuc je n’sais pon combien d’doégts, i vous décatouille dsur s’djuitare alectrique un air ed musique  décavlée ed Rossini.

Vir ichi MattRach.

 

Pi Zic Zazou, 30 énées qui sont fameux in Picardie pi zzé vlo chés gaignants ! Et dire qu’is ont foait Carmen ed Bizet avuc edz  aleumelles ed soé, des tuyeus pi meume des castroles pi des boutèles ed bière !

Vir ichi Zic Zazou.

 

Eune pinsée pour Meurice.

Qui doét-ti n'ête fier no défuncté Meurice Hoël èque sin fiu avuc Zic Zazou i gaingne ch’concours ! Pi qué tristesse qu’il o ieu hier avuc ch’Courrier Picard d'apprinde qu’ el Ferme d’Antan à Creuse ale vot freumer à l’fin de l’énée…

 

Nomdézeu !

Repost 0
Published by nomdezeu - dans Revue de presse
commenter cet article
22 octobre 2012 1 22 /10 /octobre /2012 21:48

Je l’savoais déjo pour Lafleur !

 

http://sphotos-f.ak.fbcdn.net/hphotos-ak-prn1/c0.0.403.403/p403x403/643901_10152193576335655_647817799_n.jpgLafleur à Harponville

J’étoais tout nazu. Ch’étoait l’Abe ed Noé dins l’salle des fiètes de ch’poéyis. Chés Cabotans d’Anmiens i avoètent dréché leus planques ed téyate à l’plache de l’scène. Qué pièche èque ch’étoait ? Je m’in ramintuve pon. J’avos des yus ébeudis d'vir cho. Pi à un momint de ch’espectaque, vlo ti point qui tchait des neiches dins ch’téyate ! Mi, nazu, j’erbéye par chés cassis del salle des fiètes… pi quoé je voés ! I tchait des neiges itou déhors !!! Edpus ch’timps-lo, n’allez point m’dire èque Lafleur ch’est eune invincion !  

 

Léopold pi Mimile

J’o apprins par Tchulmadjet èque Léopold Devismes, un grind écriveu picard, il vient d’avoèr 100 ans. Fin héru, j’invoé un émile ed « boin age à ti » à Ch’Lanchron pour leu dire ed foaire passier min message par Mimile Boétalette, ch’facteur bien connu de ch’Dur pi ch’Mo, à Léopold rapport à ch’que j’o point èsn adrèche. Pi quoé j’o erchu inhui !.... Un émile ed Mimile !!!

 

Min boin David

J'ai bien rchu t'lette. Et pi vu qu'éj su facteur, j'ai tè l'preume à savoér éq j'én n'avoais éne din m'boéte, vu qu'ch'est mi qu'éj l'ai lanchèe ddin !

 

Ch’est tout Mimile cho !

Pour ch’resse de ch’message i m’parle qu’y avoait gramint d’gins à chés ages à Léopold pi meume chés jornalisses ed Frince Troés qui vo li foaire un erportage !

 

A l’fin ed sin émile à Mimile, i signure :

Bon, mi j'in vo, j'ai min détriage éd lettes à foaire pour édmain, et pi m'sacoche à chirer.

 

Amiteusmint à ti,

 

Mimile Boétalette, imploéyè des Postes

 

Incroéyabe ! O put dviser avuc ch’Dur, ch’Mo pi tertous chés eutes gins ed Molimont pi ed Durchicourt ! Achteure,vlo qu'j’o l’émile à Mimile !

 

Nomdézeu !

Repost 0
Published by nomdezeu - dans Revue de presse
commenter cet article
5 octobre 2012 5 05 /10 /octobre /2012 14:10

Anmiens, un cant d’soèle

Ch’est biétot un camp d’soèle de musique qui vo n’avoèr à Anmiens.

 

 

LOGO Accueil froid Amiens 2012L’atcheuil froéd

Ch’est l’tout darin liu ed concerts pi d’musiques d’Anmiens. Is sont in train d’escofier un papar d’un an d’âge ! Quièche qu’os allez m’dire ?! Ben la K…. !!! Je n’dis point ch’nom mais chés tchultureux is ont donné ch’surpitchet-lo à l’mairerie d’Anmiens.

Is sont arrivés timpe un matan que ch’café i l’étoait coèr in train d’couler dins l’minute. Des gins del mairerie, des pompiers pi d’eutes del conmission d’sétchurité, is ont ravisé chés coins pi chés racoins de ch’liu pi is ont dit «O freume ! ». Ch’est-ti qui minquoait un roulieu ed PQ dins chés cabinets, ch’est-ti qu’eune gin del mairerie ale est venue à un concert pi qu’os li ons seuvi eune bière avuc un trop molé d’mousse ? Je n’sais point, chés gins ed l’Atcheuil Froéd is savtent point….

 

Ch’grind wazoo

Ch’grind wazoo, ch’est un débit fameux pour chés musiques d’achteure. Gramint d’joènes pi viux musiqueux el connoaissent. Pour z’eutes, ch’est ch’ridieu d’fer peinturé par in bos del rue Vulfran Warmé à Anmiens. Sin cabartieu il o bien du mau edpus quèques temps à poéyer tout ch’qu’il o à poéyer pi il o quasimint idée ed freumer !

Pis un Grind Wazoo, ch’est pon un fénikse ; i vo pétète point ernaite ed ses chindes !

 

Pour les aidier

L’Atcheuil Froéd i foait eune signuralerie dsur chl’arnitoèle. ICHI !

Allez boère un coeup pi deux à ch’Grind Wazoo !

 

Bé, j’y rapinse ! Fidjurez-vous que ch’Grind Wazoo, il est jusse à coté ed chés fossoéyeuxCh’est-ti eune prédission ?!

 

Nomdézeu !

 

PS (euh pardon !!! désolé !) AE pour Apreu-écrivure != Juste un rêve, que les artistes de Picardie pensent à mettre quelques mots de picard dans leurs prochaines productions ! Solidarité Culturelle Picarde !

 

Relisez mon article sur l'ACCUEIL FROID de mars 2012

Repost 0
Published by nomdezeu - dans Revue de presse
commenter cet article
21 septembre 2012 5 21 /09 /septembre /2012 11:49

Ch’est direc !

 

http://blog.france3.fr/picardie-ech-perlage/files/2012/03/1-Bieuv%C3%A9.jpgIs parltent drole chés picards.

Edpus quèque jors, chés picards is ont eune neuvèle espression dins leu parlage.

Charlie Hebdo qui s’moque ed chés berbes à poux, ben i n’vo point à Bieuvé, li !

L’Euniverchité ed Caen qu’ale amoutre que ch’mahis transgégène, ch’est du poéson, ben ale n’vo point à Bieuvé, ale !

Timpe au matan, un coeup d’téléfone por m’vinde eune asseurance. Nan, èj n’in vux point ! pi j’o raccreuché. Je n’vais point à Bieuvé, mi !

 

Bieuvè avuc un « é » périsien !

Ch’est-ti qu’à Bieuvé, i n’o achteure gramint d’berbes à poux, ed mahis transgégène obin des asseurances ed toutes seurtes ?

Je n’vo point à Bieuvé, ch’est rapport à sin décoloèr qu’il est à 80 tchilomètes ed Péris.

 

Transavia conte Rail in l’air

Transavia, ch’est eune compagnie d’aéros qui foait atterir ces voéyageus direc à Orly obin Roissy pour cheux qui veultent daller à Péris. Chés voéyageus ed Rail in l’air is atterrissent à Bieuvé pi apreu feut coèr prinde ch’taxi obin chl’autocar pour daller à Péris.

Alorsse pour bistcher Rail in l’air, Transavia is foaitent del réclame à ch’tchul ed leus autocars = « Ce bus ne va pas à Beauvais », i vo tout drot à Péris !

 

Franchemint, chés bieuvésiens pi leu maire is doètent pon aller à Bieuvé pi foère un procès in déméprisance à Transavia.

 

Nomdézeu !

Repost 0
Published by nomdezeu - dans Revue de presse
commenter cet article
16 septembre 2012 7 16 /09 /septembre /2012 18:46

Chés moésons posse-modernisses

Chés moésons d’avint
Os connoaissez chés moésons in briques de l’djerre ed quatore avuc leu style art déco.
Os connaissez ch’estyle moderne qu’o voét dins ch’cinter-ville d’Anmiens obin d’Adville, chés moésons Phénix pi Bouygues ou coèr avuc chés immeubes ed banliue. Ben tout cho, ch’est du viu ! Ch’est du patermone !

http://www.eyrolles.com/Scan/MaxiScan/9782878111279.jpgChés moésons d’achteure

Os avoez seurmint ermartché edpus 20 énées que chés neuvèles batisses ales sont espéciales. Des colonnes, des frontons, des yus d’ bus, des voussures à chés farnètes pi d’eutes…

Meume si el moéson ale est commode pi « fonctionnelle » comme is ditent, i n’o achteure des guernitures d’architecture qui seurvent à rien pour foaire tnir el moéson.

Ch’est cho èch posse-modernisme !

 

A coeuse de chés baraques baroques

Chés améritchains is sont formidapes ! Apreu el djerre de quarinte, is ont ertiré chés cours d’Histoère ed l’Architecture ed quasimint tertoutes chés écoles d’architecture in Amérique ! Feut foère du moderne…

Hérusemint, Robert Venturi il o ieu idée ed foère un estage in Italie dins chés énées chinquante pi il o tché rédeu ed chés moésons baroques.

 

Chés batisses posse-modernisses

Allez vir Berlin pi chés nouvieux immeubes edpus 1980, l’Institut de ch’Monne Arape, l’Pyramide du Louves à Péris.

Ravisez chés gatchères ed fabrique rétampies.

A Anmiens, chés neuvèles moésons par in bos del cathédrale

A Plachy-Buyon, chés neuvèles moésons obin à Bresle ou coèr à Lamotte-Warfusée.

 

Tout cho, je l’o décoeuvert avuc ch’live « Les architectures postmodernes » ed Diane Ghirardo èque j’o li tout l’long de ch’moédeut.

 

Nomdézeu !

Repost 0
Published by nomdezeu - dans Revue de presse
commenter cet article
11 septembre 2012 2 11 /09 /septembre /2012 22:20

Avoèr des neuvèles.

 

http://www.francetogo.com/tv/logos/bfm-tv.jpg1992

Europe 1 à déjouque.

France Bleu Picardie avuc min café

Courrier picard si quèque cose s’est passié in Picardie

Pi pour ch’pus grave in France, j’acatoés Libération, France Soir obin Le Monde.

D’ertour ed min travail, j’ravisoais France 3 Picardie pi ch’jornal ed France 2.

 

2012

France Bleu Picardie à déjouque.

Avuc min café, Google actualités, Yahoo actualités (Monde, France, Sciences, Insolite, People), Courrier Picard (Picardie Maritime, Haute Picardie, Grand Amiens, Amiens)

Mails

Facebook

 

In carète…

Europe 1, France Bleu Picardie

 

D’ertour ed min travail

Mails, Facebook, Google actualités, Yahoo actualités (Monde, France, Sciences, Insolite, People), France 3 Picardie, France 2, BFMTV

 

Tiodave, drodjé d’gazettes

Quand qu'o érons eune grind-porte avuc chés neuvèles in parlage picard !?

 

Nomdézeu !

Repost 0
Published by nomdezeu - dans Revue de presse
commenter cet article