Overblog Suivre ce blog
Administration Créer mon blog
7 novembre 2013 4 07 /11 /novembre /2013 22:13

Un nègue blanc in rage

 

http://laregledujeu.org/moix/files/2013/11/christiane-taubira.jpgA l'approche du 11 novembre, n'oublions pas que nombreux "Français de souche" ont découvert la banane en la mangeant avec la peau ! Ils ont du bien rigoler , de notre naïveté,  nos respectueux Zouaves, Tirailleurs et autres "Ya bon Banania" morts pour la France au "bled" (terme de 14/18 désignant le no man's land entre les tranchés ennemies).


Cette banane (ou sa peau), ex-voto d'une France pudibonde puritaine et jacobine, sent les effluves d'un tas de fien (fumier en picard) où se dresse un coq déplumé pétainiste.


Cette banane devrait être le symbole d’une union nationale et le rappel de “ces colonies” qui, à l’insu de leur plein gré, ont envoyé leurs gins (gins en picard = famille, amis, voisins) pour combattre, nous défendre et protéger ces villages, ces terres si chères à nos “Français de souche”.

 

Yann Moix, dans sa lettre ouverte, a raison en parlant de république bananière. Vous, qui revendiquez la belle France, proposez plutôt une Marianne généreuse, pulpeuse et “ayant la banane” (le sourire) en antienne.

 

Par vos faits et gestes, vous suggérez que Madame Taubira n’est pas “Française” puisque Guyanaise. Je fait acte de ce fait… Je ne suis pas Français puisque que je suis Picard. Quel objet, fruit ou autres allez-vous exhiber dans vos prochaines manifestations à mon encontre? Une betterave?... Allez, soyez un plus imaginatif !


 

Nomdézeu !

Repost 0
Published by nomdezeu - dans Revue de presse
commenter cet article
18 octobre 2013 5 18 /10 /octobre /2013 17:09

http://dim.scene7.com/is/image/dim/original/detail_50_00D6_DO3_1A ch’Campus d’Anmiens

M’ervlo à ch’Campus pour foaire ch’cours ed picard ed l’IUTA. Gramint d’jonnes dins chés colidors, des réclames ed zinzin, un joène in patalon d’esport avuc des bertèles qui pindent, edz annonches ed conférinches euniverchitaires….

Hein, quoé qu’j’o vu ! Un joène in seurvètmint pi des bertèles ahotchées dsur qui pindent el long d’ses gambes ! Chés punks is avoètent des bertèles pindantes, mais ch’étoaient quind meume avuc un patalon ! Ch’lastique ed sin joguinge i dvoait ête craqué… 

 

Britney pi s’casaque

O connaissoait tertous Britney ! Britney Spears, el canteuse améritchaine avuc s’canchon « Coèr eune foés, quinquin ». Ale foait un pardouf du diabe edpus quèques jors ! Ch’est-ti eune foto adou qu’o voét s’tchulotte, Britney qu’ale o s’pronne obin qu’ale vo marier ? Nan, eune étiquette…. Ale o oblié d’ertirer l’étiquette dsur un mantieu qu’ale vnoait d’acater !!

A foait 4 jors que je m’prumène avuc min ticket d’tchaisse agrappé dsur mes neuvièles coeuchètes pi j’o toudis point vu el foto dsur intarnet !

 

Pour chés birloutes in déroute

Ayé ! Chés fèmes ales écoeuffoaient chés paures honmes avuc des brassières réheussées. Vlo achteure pour chés honmes, des canessons rinforchés ! Dim, i perpose des nouvieux canessons avuc eune écaille edvint pour ragrossir vo boche obin vo poque birloutoère !

 

PS pour mi = racater des bertèles à tchitter pinde pi un lot d’mouchoèr pour ragrossir l’edvint d’min canesson ! Chés tchulottes ed Dim, a coute d’trop quèr !

 

Nomdézeu !

Repost 0
Published by nomdezeu - dans Revue de presse
commenter cet article
27 septembre 2013 5 27 /09 /septembre /2013 20:24

Cangemint d’eure

 

http://static.lexpress.fr/medias_7933/w_400,h_300,c_fill,g_north/espagne-fuseau-horaire_4062083.jpegChés Espagnols i vont pétète canger d’eure.

Edpus 1942, avuc le dictateu ed Franco, is étoètent à l’eure ed chés Nazis !

Pi vlo achteure qu’is pinstent à canger d’eure por ête à chés pindules ed Londes.

Vir l’artique ed France 24 du 27 sectimbe 2013

 

 

 

 

 

Vo eure picarde

Cartchulez vos eures à vous eutes ed Picardie, ch’est simpe.

 

Allez  vir vo conmeune dsur Weplocédie pi erbéyez el longitude.

Apreu os croésez el longitude avuc 4 (1 degré ed longitute a foait 4 minutes) pi o l’ertirez ed l’eure offichielle ed France .

 

Egzimpe = El Ferme Grébénote à Harponville (longitude 2,30) à midi

Cha foait 12 (heure officielle France) [2,30 (longitude) x 4 (minutes) = 9 ]  = 11h51

D’apreu l’eure ed France (eure offichielle)à midi, il devroait ête 11h51 à Harponville !

Pi d’apreu ch’méridien ed Greenwich (qui trécope tertoute el France), il est 11h 09.!!

 

Allez y comprinde quèque cose !

 

Nomdézeu !

Repost 0
Published by nomdezeu - dans Revue de presse
commenter cet article
22 juillet 2013 1 22 /07 /juillet /2013 22:40

Ch’est aboli !

 

http://www.hotelaparis.com/blog/wp-content/uploads/2008/01/interdiction_fumer.jpgCh’minisse qui s’mêle de l’sinté ed chés eutes

Méripavé Tourangelle ale vut abolire ch’toubac pi chés fumaquages dins chés abris d’bus, dsur chés bains d’mer pi itou dsur chés trottoèrs edvant chés escoles. Putôt qu’ed démépriser chés fumaqueux pi zzé abolir partoute, i feudroait quind meume s’edminder à coeuse ed quoé qui fumaquent ? Putôt que zzé agonir conme des malpropres….

 

Chés loés picardes

Y n’o des loés in France, pi tertous on put avoèr ses règues à li dins s’moéson.

A Grébénote, vlo chés abolicions =

 

- El croate est abolite. Point d’racisme, os n’avons rin conte chés Croates, mais conte chés imbléyeux (chés élis, chés erprésintants pi toute). Ch’est el seul vêtemint « frincés » obligatoère à l’Assimblée Nationale qu’is ont toudis point voté l’erconnoaissanche de ch’parlage picard. Adon à Grébénote, point d’lanke picarde erconnute, point d’croate !

 

- Il est aboli ed gasconner. O atuit chés gins à Grébénote sinan os allez vos foaire atuire !

 

Chés preuchaines abolicions à Grébénote ?

Vu que j’sus ch’governemint démocratiquemint éli par mi tout seul à Grébénote, j’vo suire l’avisse à Méripavé Tourangelle pi fumaquer s’ro aboli à Grébénote à moins d’1 mète d’heut. Eune aminde ed 10 uros pour ch’ti qui s’ro assis à terre in route à fumaquer.

 

Nomdézeu !

 

NB = El Ferme Grébénote est achteure un Cinte Tchulturel dins chés Gannes Pages !

Repost 0
Published by nomdezeu - dans Revue de presse
commenter cet article
11 juin 2013 2 11 /06 /juin /2013 21:54

Grinde réderie ed posses edmain à Anthènes…

 

http://upload.wikimedia.org/wikipedia/commons/thumb/b/b4/ET1.svg/235px-ET1.svg.pngEl télé à Nikos, Nana pi Demis ale sro freumée à minuit.

Os allez pinser èque Tiodave il erbéye trop l’télé pi qu’achteure i vo débaler el vie ed chés fameuses gins dsur sin blog. Chés gins d’Grèce is sont des misères du diape pi Tiodave, li, i s’otchupe ed l’eure èque Nana Mouskouri, Demis Roussos obin Nikos Aliagas is freumtent leu télé ! Ch’est hontabe !

 

Rapinser à l’Chonq

In 1992, ch’étoait eune abomination ! Freumer eune caine ed télé in France ! N’est mie pinsabe ! El Chonq, ch’étoait eune caine moderne avuc des Patrick Sabatier pi Sébastien, Thierry Ardisson, Philippe Bouvard, Nagui, Morandini pi gramint d’eutes.

Innhui, el Grèce ale o décidié d’freumer ces caines ed télé publique.

Adé chés France 2, France 3, France 4, France O grecques !

 

Pus d’télé grecque…

L’télé défunctée, quoé qui vont foaire chés Grecs au soèr ? Boère un ouzo à ch’café du village… D’trop quèr ! pi d’abord, ch’café il est freumé. Aller vir un flim à ch’ciléma… D’trop quèr ! pi d’abord, ch’ciléma il est freumé. Resse pus qu’à aller s’jouquer… pi conme o dit : « Qui dort dine ». Bé don, vlo meume edz écolomies dsur sin minger !

 

Nomdézeu !

Repost 0
Published by nomdezeu - dans Revue de presse
commenter cet article
26 avril 2013 5 26 /04 /avril /2013 22:43

Compte rond pi cotron…

 

http://www.lexpress.fr/medias/1753/897925_.jpgPoayer chés dettes à Cro-Magnon…

Maginez un peu un huissier qui buque  à vo porte.

« Bonjour, os nous devez dus mammouths pi troés aurochs ! »

« Ed quoé ! A quièche ? »

« Ben, vo rararatayon il o acaté 10 bifaces pi 5 grattoèrs in cailleu bisse pi il n’o jamoés poayé à Mossieu Cro-Magnon, y n’o pus d' 220 sièques ! »

 

22 000 énées pus tèrd…

Vlo ti point qu’eune paure femme joqueuse pi d’sins état doét pusse ed 2000 uros à Pole Emploé (Vir ichi). O li perpose ed rimbourser 1 chintime per moés pindant 22 000 ans !

 

Chés honmes in cotron d’Ecoche

Il paroait qui feut qu’chés honmes is portent des kilts sins canesson. Ch’est miux pour avoèr del boène séminche pi avoèr grammint d’éfants. (Vir ichi)

Bin, ch’mari à no paure joqueuse, j’espère qu’il o un kilt parce qu’i n’in farot des éfants, des tchots-éfants, des tichots-éfants pi coèr pi coèr avint d'poayer, dins 22 000 ans, ch’darin chintime !

 

Nomdézeu !

Repost 0
Published by nomdezeu - dans Revue de presse
commenter cet article
23 avril 2013 2 23 /04 /avril /2013 18:58

Seuchez gadrus !

 

http://www.lunion.presse.fr/media/imagecache/article-taille-normale/pqr_photo/2008/12/30/0000230007-0.jpgJe ne l’connoaissais point.

Est toudis dru ed rinde hommage à eune gin qu’o connoait point.

El perzindinte de l’achuchonAster International , Marie-Lise Semblat, vient ed défuncter dins un acsidint ed carette.

Un autobus qui roule bel et rade conte une carète avuc no perzidinte… dsur eune route d’Haiti !

Ch’est ch’formidabe blanc-bonnet à Jean-Pierre Semblat.Voir article 2008

 

Tertous gadrus

Quièche qui n’connoait point Jean-Pierre Semblat ?!

I rind tertous gadrus avuc ch’picard dins l’Vermindoés.

Os avez pu l’vir dins chés rues d’Sint-Quintin à brayer pi conter.

Ch’est eune gin incroéyabe pi d’exception dins no tchulture pi parlage picards.


Putôt èque des écrivures pi des diries, allez vir  =


Tertous Gadrus


 Chés Picards

 

 

Ch’Chertificat d’Etudes Picards

Ch’est un dipleume picard. Edpus pusse de 10 ans, os povez passier vo chertificat avuc l’Ecole Perluète ed Trefcon dins l’Aisne.

Je l’o passié in 2011.

 

J’o eune grinde pinsée fin amiteuse pi ed tchoeur pour no recteur ed l’Académie ed Thiérache !


Vingt dius ! Que j’sus triste !

 

Nomdézeu !

Repost 0
Published by nomdezeu - dans Revue de presse
commenter cet article
27 mars 2013 3 27 /03 /mars /2013 22:08

Je m’sins Samara Gnatos.

 

 

photo tram AmiensAbugnata, Hakuna matata !!

Ayé ! Tiodave il o ses boéyeux d’chervèle in pâté ed pattes à mouqueron ! qu’is diront chés déméprisants. I parle in gauloés touillé avuc du kiswahili ! Ben non, point core…

Abugnata, c’est ch’nom d’ eune barque gauloèse rétampie qu’is ont foait chés rédeus d’Ambianis.

Hakuna matata, in parlage kiswahili, a s ’terduit in frincés pèr « Sans problème ! ».

Pi diminche 24 march 2013, ch’est hakuna matata qu’Abugnata ale o ermonté el rivière Samara pour s’rinde à Samara à l’Cauchie Tirincourt.

 

Ch’tram d’ertour à Anmiens

Yo chint ans, dins chés rues ed Sint Leu pi des Troés Cailleus à Anmiens, ch’tramoués i s’fsoait sin euvrage dins l’ville. 100 énnées pus tèrd, l’idée (dins ch’Courrier Picard du 27/03/2013) ale avinche et os in sonmes à tracher ch’nom ed chés trams !

 

Eune idée ed Samarien

Abugnata, ch’est « el fille del rivière » in gauloés. Ch’est un batieu qui seurvoait à transbaler des marcandises tout du long ed Samara.

Ch’tramoué i vo transbalé gramint d’gins dins Samarobriva qu’os appelle achteure Anmiens.

 

Jusse eune idée à Tiodave, VOGIGNATA « el fille à transporter » pour donner un tchot nom à ch’tram d’Anmiens.

 

Nomdézeu !

Repost 0
Published by nomdezeu - dans Revue de presse
commenter cet article
18 février 2013 1 18 /02 /février /2013 22:09

Foaites des prières à Sint Colas ou à Sint Bénouet !

 

http://www.ouest-france.fr/photos/2013/02/17/130217154228794_23_000_apx_470_.jpg

 

Sur l'air de "Fais dodo, Colas mon p'tit frère"

 

In parlage picard

Foais des roues, joqueu ed Good Year

Yo pus d’ sous, Sint Jacques ale vo tcheure

 

Papa est in heut

D’eune grue pour t’wardeu

Pi ch’Pape i détèle

Qu’in n’o ras l’ candèle

 

Foais des éfints, t’airos des allocs

Chés impots à l’fin, is t’mettront in loques.

 

Traduction en français

Fais des pneus, chômeur de Good Year

Y'a pas d’sous, Saint Jacques va tomber

 

Papa est en haut

D’une grue pour te garder

Et le Pape détale

Qui en a ras la chandelle

 

Fais des enfants, tu auras des allocs

Les impôts à la fin te mettront en guenilles

 

Nomdézeu !

Repost 0
Published by nomdezeu - dans Revue de presse
commenter cet article
11 février 2013 1 11 /02 /février /2013 20:43

I s'in va-ti? Quand ?

 

http://sphotos-d.ak.fbcdn.net/hphotos-ak-ash3/563238_4990061462938_210320788_n.jpg

http://sphotos-h.ak.fbcdn.net/hphotos-ak-ash3/539611_4990062422962_494743912_n.jpg

 

Nomdézeu !

Repost 0
Published by nomdezeu - dans Revue de presse
commenter cet article