Quind chés gins pinstent à vous eutes...

Un tortuwarak à Grébénote !

Apreu un hiver ed Sybirre qu'os ons ieu, Sam ch'Corbieu il o rattaqué ch'torchis d'el moéson.

Inforché qu'il est !

Quand il est pos dins ch'gardin, il est à foaire un pipasso obin eune muse à brassi.

Quind il est pos à foaire ch'burieu à Tiodave dins l'moéson, il est déhors à foaire du torchis !

Ch'est un tortuwarak qu'il o plinté innhui quasimint un chint ed pyids ed Soéssons, à couté d'un séhu, à couté d'un casernemint às peumetères, dins eune vièle auge às coéchons. Pimp Min Gardin, cha vo péter !

El  Plote, ale o l'tchoeur dins s'main.

Dins no boète às lettes à Grébénote, j'o ieu eune bièle surprinse. I n'o quèques jors, j'o foait un appel dsur  Tchulmadjet pour avoèr des neuvèles ed chés esports picards pour el Pincarte Grébénote. Pi vlo ti point que j'o erchu l'arméno ed 2013 ed chés jueux ed Plote à l'Main ! Allez vir leu chite intarnet pi allez zé vir dins chés concours !

J'attinds toudis des neuvèles ed chés eutes esports picards...

Pinsées pi souvenanches

Un viu sieu avuc un abe à rpiquer pi vlo ti point qu'y o des pinsées alintour, ed d'où qu'ales vienntent? Je n'sais point... Seurmint ed tertous chés gins qui pinstent pi qui rapinstent à Grébénote.

Pi coèr eune infnouillée ed myosotis dins no gardin.... Ch'surpitchet à ch'myosotis, ch'est  "Ayez souvenanche de mi"

Nomdézeu !

Rdv à "Routerie" à Albert pour un changement de plaquettes de frein.

Il est 11h quand j'arrive au centre auto.

Tiodave = Bon, je reviens dans une heure, ca ira?

Le technicien = Non, ne bougez pas, dans 1/2 heure, c'est fait !

Tour du magasin, pause café et lecture des Auto Plus de l'année 2011...

Le technicien qui revient à 11h45 = Désolé, mais ca va être plus long que prévu. Votre voiture est sur le plateau. Vous pouvez revenir à 14h?

OK...

Descente dans les rues d'Albert vers le centre-ville.

L'Office de Tourisme est ouvert...

Tiodave = Bonjour, je suis guide indépendant en patrimoine picard dans le Pays du Coquelicot. Quelles démarches dois-je faire pour être inscrit comme guide sur votre site internet?

L'agent d'accueil = Vous êtes inscrit au "Somme Battlefields'Partner"?

Tiodave = Non, je fais des visites de village picard. Vous ne faites pas de visites sur la culture picarde.

L'agent d'accueil = Désolé, mais les guides référencés font des visites sur le Circuit du Souvenir et la guerre 14/18.

Bon, dans le Pays du Coquelicot, la visite guidée de villages picards épargnés par la Grande Guerre, ce n’est pas pour tout de suite ! A croire que le patrimoine picard de ces villages n’existe pas !

Je vais faire un tour à la Basilique d’Albert.

Et là un bien vieillant homme me demande de lui lire un ex-voto qu’il a du mal à lire. Je fais preuve de mes bons yeux et en rien de temps, me voilà à écouter ce gentil monsieur qui me traduit du latin au français toutes les sentences inscrites sur les murs de la basilique ! Une pure fantaisie touristique d’une demi-heure que j’ai bien apprécié. Qui-est-ce ? Je ne sais pas. Nous nous sommes quittés par un « Au revoir, monsieur ! » au pied des marches de la basilique.

Encore une heure à perdre avant de récupérer ma voiture.

Un passage au café en haut de la rue Birmingham pour boire une bière.

Là, je m’installe à côté d’une lycéenne en pleine réécriture de son brouillon de dissertation du cours d’Histoire sur la copie définitive. Une honorable retraitée s’installe à côté d’elle.

« Puis-je vous emprunter un stylo, juste un bic, pour faire mes jeux de loto ? »

« Oui, tenez ! »

Un quart d’heure plus tard,

La lycéenne = Je dois retourner en cours. Je peux récupérer mon stylo ?

La retraitée = Bien sur, mademoiselle, voila ! Vous avez l’air d’avoir beaucoup de travail. 

La lycéenne = Ben oui, faut travailler pour avoir un métier ! Pis je suis jeune ! Je suis la relève !

Nomdézeu !

Ch'étoait lo !

Ch’péligrinage ed Sint Jacques

Chés cmins d’Compostelle is sont fameux. Des gins d’Ingleterre, d’Ecoche obin Irlinde arrivoètent ed Boulogne à l’églisse Sint Jacques d’Adville. Apreu is déchindoètent vers Anmiens pi Péris dusqu’à Compostelle.

El preume trache d’eune églisse St Jacques à Adville ale date ed 1136. El dusième ale fut foaite in 1482 avint d’ête groulée in 1838.

Delaforterie, faiseu d’églisses

Chés églisses ed Vignacourt, Fléchelles, Coésy obin Ferchincourt, ch’est des euvrages de chés architectes Delaforterie. Tertoutes ales sont in briques pi pierres à l’mode du néo-gothique.

I n’o que l’églisse Sint Jacques d’Adville qu’ale est foait tout in moellons d’cran in 1868.

Sint Jacques d’Adville, églisse toudis

Sint Jacques d’Adville vo moérir.

Abindonnée, mal intertnue, ch’tan i l’o foait sin euvrage dsur ch’molumint qui feut achteure démolir.

Vlo quèques fotos in souvenanche =

Le choeur démoli

Le choeur tronqué

Le clocher vu de la rue de l'Eauette

Eglise St Jacques d'Abbeville - côté Nord

Eglise St Jacques d'Abbeville- côté Sud

Facade de l'église St Jacques en 2013

Diminche 10 févryi, j’o intindu = « Je m’in vo d’Adville ! I tchait des neiges pi des églisses, ichi ! »

Nomdézeu !

Os volez in savoèr pusse, allez vir Saint Jacques l'oubliée !

Mossieu ch’dirigeu de m’banque,

Os savoez que ch’verdi 21 déchimbe 2012, ch’étoait el Fin de ch’Monne.

Conme mi, os ravisez chés gazettes pour savoèr ch’CAC 40 pi des neuvèles del Bourse pi mi pour chés eutes neuvèles. Os n’sonmes pus à l’époque d’acouter chés quaterlangues de nos villages. Y o achteure chés gazettes, ch’transistor, ch’posse ed télé pi a m’sure intarnet qui ditent des neuvèles véridiques.

Comme el Fin de ch’Monne ale vnoait, j’o ieu idée de m’foaire plaisi pi tant pis pour chés dépinses ! J’sro défuncté conme min banquier pi cha n’cangero mie rien ! Adon….

J’o été à ch’restaurint edpus 10 jours matan, midi, soèr pi j’o racaté ch’restaurint =  2 miyons

J’o cmindé ène carette avuc un conducteur pindant 10 jours = 800 000 uros

J’o acaté ène moéson à Néchin in Belgique rapport à l’mode d’achteure ed Depardiu = 2 miyons

Pi d’eutes acats que je m’in raminteuve pus !!

Total de ch’débit dsur min compte ed banque au 21/12/12 = 10 myons

Euh, pardon, ch’est mie de d’feute mais de l’feute à chés gazettes !

Cha iro-ti pour estchuse pour n’pon à avoèr à rimbourser toute d’un coeup ?

Avuc l’eugmintation de ch’smic à 0,03 % au preumier jinvier 2013, j’o pu èque 155 énées d’ergint à vous rinde putot èque 155 énées avint l’eugmintation !?

Nomdézeu !

Vir chl’artique dsur el verlée dins ch’wartier Saint Leu ichi.

Min cadou à reules

Un intégrisse de ch’parlage picard qu’il est Cédric ! Rédeu d’picard, il foait tous chés cours ed picard ed l’Euniverchité pi il étoait lo, ch’preume déchimbe 2012. Avuc li pi sin cadou à reules, on ons gramint busié dsur ch’ecmin pour qu’i n’euche point d’imbarros pindant l’visite.

Cmint qu’is sont chés trottoèrs ? Adou qu’is sont chés cleus pour trécoper chés rues ?

D’où qui y o des marches ? T’os ercarqué ète batrie d’ cadou ? Combien d’tchilomètes qui foait ch’parcours ?

Eune charcut’livrerie

Foaire minger du seucisson au mitan ed viux lives ! Ch’étoait ème pécavie ! Apreu el verlée dins Sint Leu, chés visiteus is s’sont pourléqués de ch’seucisson, ch’boudin, ch’pâté del Chercutrie Poucet au mitan ed chés lives ed Book in the Machine.

« Finis d’minger tin boudin pi bé ch’live-lo ! Y o l’erchette del frênette eddins ! » èque j’o intindu.

Ob3ron pi ses camarades

Avuc sitant ed tchultureus qui y avoaient à ch’concert « Fabritché à Sint leu » au Maeva Bar, Ob3ron, ch’corbieu il étoait épiné. Des canchons picardes avuc des musiques d’inhui, un bouquinisse qui l’o ébeudi tertous avuc ses canchons, eune Gwenn incroéyabe avuc sin violon pi s’voéx. Un grind momint à l’fin de l’soérée avuc Sam pi sin pipasso pit-bull ! Sins parler ed Thom pi d’Tim ! Avuc des éfants parèls de Sint Leu, Sigmund Freud i doét s’ertourner dins sin luzet… Hein, Henry Jay ?

Nomdézeu !