Overblog Suivre ce blog
Administration Créer mon blog
19 février 2012 7 19 /02 /février /2012 16:15

http://www.jeuxpicards.org/images/chouleux.jpgCha devroait ête un jour joqué in Picardie pi dins l’Nord ! Ch’jor ed crossage, ch’est un évènemint bin picard ! El lindmain ed Cros Merdi, ch’est l’grinde ducasse à l’crosse !

Une crosse, eune choulette ed bos, ed drole d’habillures pi ch’est eune jornée intre amisses, boins camarates pi francs picards. Mes étchipes rédeuses = Chés Lafleurs, Chés Caracoles (avuc èm amisse Eric Wattiez) pi Chés moènes (avuc leus tonsures)

Pour chés règues, dmindez à chl’estaminet « Chez Marius »

Pour y daller incourager el étchipe ed Picardie , dmindez-mi rademint 

 

Nomdézeu !

Repost 0
Published by nomdezeu - dans A venir
commenter cet article
18 février 2012 6 18 /02 /février /2012 20:13
http://www.courrier-picard.fr/var/plain_site/storage/images/actualites/info-locale/amiens-et-metropole/les-traditions-picardes-s-invitent/1841387-1-fre-FR/Les-traditions-picardes-s-invitent_reference.jpgTrès cher président (rééli ou ch’nouvieu),
 
Vous savez que l’économie de la Picardie souffre de la crise mondiale ! Votre institution désormais centenaire fondée par des communistes (qui n’existent plus en Picardie, heureusement !) et ploutocrates, qui ont eu soin d’organiser leur succession héréditaire (un de vos membres est le fils né en Picardie d’Hitler !) ne peut souffrir de continuer dans une telle gouvernance. Les « belles années gauchistes » où le Lafleur ed Chuque était attribué à un soi-disant picardisant bénévole, voire travailleur dissimulé, ou à une association faisant force demande de subventions aux collectivités locales ont plongé notre très chère Picardie dans un déficit abyssal ! Il nous faut une PICARDIE FORTE !
 
Comme vous le savez sûrement, El Ferme Grébénote est cotée à la Bourse d’Amiens depuis septembre 2011 et c’est une valeur sûre en termes d’activité économique. En volume horaire, nous travaillons aux 72 heures !!!
Avec un chiffre d’affaire 2011 qui dépassent les 66 000 écus, près de 1500 clients sont passés chez nous en vue d’acheter un produit picard !
Nos « verlées de village » ont permis de faire découvrir en 2011 le patrimoine communal de plus de 3500 habitants de la Somme.
Nos « Soirées Picardes » à Albert ont permis à plus de 10 000 personnes de choisir entre une soirée télé et un spectacle mettant en valeur la langue et la culture picardes.  
Notre Catalogue de Produits Culturels Picards rassemble désormais les références les plus prestigieuses d’artistes picards et leurs œuvres.
 
Je sais qu’entre amis, nous saurons nous comprendre. Pas besoin d’un référendum pour savoir si je fais partie de ces picardisants inscrits à Pole Emploi ou non natif de Picardie, j’espère que vous interviendrez en ma faveur pour mon Lafleur ed Chuque 2012.
 
Proche du peuple, votre ami
Sincéritudement votre
Tiodave
   Nomdezeu (Ch'blog à Tiodave)
 
 
Min fin quèr perzidint (rééli obin ch’nouvieu)
 
Os savoez que l’écolomie del Picardie vo oute avuc el crise ! Vo institution achteure chintenaire, ahansée pèr des partageus (qu’is n’sont plus adlives in Picardie, hérusemint !) pi des pleutocrates, qu’is ont pinsé à leus fius (Eune gin d’Picardie est fiu d’Hitler ! ) n’peut pus incorsée des gouvernemints parèls. Chés boènes énées partageuses adou Ch’Lafleur ed Chuque il étoait por un binnévole, baveu d’picard pi ouvreu muché, obin à eune achuchon qui gaigne des monts d’ergint rapport à ses wigneries à ch’départemint, à l’région… is ont balé no Picardie dins des avandeurs à ch’tchul des dius ! I feut eune Picardie sins bros d’loque !
 
Conme os l’savoez, El Ferme Grébénote ale est née en sectimbe 2011. Ch’est 72 eures d’oeuvrage. Ch’est 66 000 étchus ed chiffle d’affoère pi 1500 gins d’pratique.
Nos verlée d’poéyis, chés 3500 gins qu’is ont vu des tourisses dins leus poéyis.
Nos séries picardes, ch’est dins eune ville de 10 000 gins, qu’ale o liu dins ch’cabaret de L’Montée d’Rire à Albert.
Ch’catalogue, i rassanne chés plus fameus artisses picards pi leus ouvrages.
 
Inter nouzeutes, intre amisses, i n’o mie bsoin ed foère des référindums pour savoèr quièche qu’il est joqueu obin horzin. J’o fiate que vous m’élirez Lafleur ed Chuque 2012.
 
Gintieusemint vote pi vo amisse
Pourléqueusemint vote
Tiodave
   Nomdezeu (ch'blog à Tiodave)
Repost 0
Published by nomdezeu - dans A venir
commenter cet article
18 février 2012 6 18 /02 /février /2012 15:09

http://www.provence-outillage.fr/images/abattant-wc-640.jpgVir troube

 

Eme carète pi mes branques

Apreu eune usance ed 10 énées, j’o des freus du diape èque mes branques ales s’démanglent pi que je n’puche pus conduire ème carette. J’intinds déjo chés déméprisants = « Adon, ète carète, ale est in bos ! Ch’est-ti du quène, du tillé obin du séhu ? DDR ». Eme carète ale o 4 reules, un moteur pi un volant conme z’eutes pi ale est in teule. Mais min permis d’duire, il o min rétoèr avuc des quatezius et ch’est chés branques ed mes leunettes qui sont à mitant berzillées.

Eune branque berzillée pi m’vlo décaretté !

 

Un calindrier, eune carte pi des boins yus

Nayu, j’o cminché à téléphoner à min oeullogisse por li dminder un rindez-vous. Wate ! Il falloait attinde pusse ed 9 moés ! N’est mie possibe ! J’ravise dins l’annuaire por déteuper min seuveur pi quoé que j’voais !... A l’rive droète d’Anmiens, chés gins is foètent seurmint des processions de Sinte Pusine vu qu’y n’o point un seul oeullogisse de ch’côté-lo del Sonme ! Is sont tertous rive gueuche !  Vo pour trécoper tout Anmiens pour vir un espécialisse.

J’o du téléphoné à 7h du matan au moés d’déchimbe à un oeullogisse que je n’connaissoais point por avoèr min rindez-vous in feuvrier.

 

Du brin à ses yus

Eme vlo mon min nouvieu oeullogisse aveuc eune invie d’pissiate du diape ! Adou qu’is sont chés cabinets ? Lo, eune pincarte… « Rapport à ch’qu’on o déteupé des étrons à côté del tchuvette, chés cabinets is sont freumés pour el pratique ! » Y o des gins qu’is ont vraimint bsoin ed leunettes... Est URGINT !

Un acrinquillage avuc des capleuses vo foait raviser dins toutes seurtes ed treus, vo lanche ed l’air dins vos yus à vous foaire braire pi vo ébleui avuc ses lumions. J’o min papier d’ordonnanche !

Dus poaires ed leunette por el coutanche d’eune ! J’o été vir chl'otchulisse Troubeleu pour acater mes quatezius. Du brin ! Mn’asseuranche ale est point acheuchonnée avuc Troubeleu. J’vo devoèr avinché l’ergint pis apreu erchuvoèr min rimboursemint. Adon, avuc dux poaires, je n’ai achteure pour 20 énées edvint d’raller vir min oeullogisse ! Enon ?!

 

Nomdézeu

Repost 0
Published by nomdezeu - dans J'étais là
commenter cet article
11 février 2012 6 11 /02 /février /2012 00:20

A feusoait gramint d’énées èque j’y rapinsoais à daller foaire eune verlée mon Marius !

Ch’est Thomas dech CPIE pi itou boin camarate qui m’o donné rindez-vous là-bos. Eune foés, el plache del carette treuvée, un récoeuffemint vo prind vo tchoeur. Ch’drapieu picard, fier conme Artaban, qu’i s’étampe à vos yus dins chés rues edvint chl’estaminet. Ch’est déjo del diversité signeulétique !

 

Os n’avoez point l’timps ed démette vo paletot qu’èch moaite des lius, Luc Decroix, vos foait eune pognée d’main franque pi amiteuse pi vos soète el boènevnue.

« Os voulez-ti un chucolat bien coeud ou eune gobe ed jus ? ».

Sié que j’réponds in coésissant un café. Pi qué fameu café ! Du picard ! Du vrai ! Chti-lo avuc del chicorée ! Qué bonheur ! Del diversité djustative….

 

Nom dé diu ! Nom des jux ! N’in vlo ti des gronnées d’jux ed toute seurte. Ch’ju d’dames il est meume ahotché àch plafond avuc ses pions. Un émotionnemint d’un coeup, lo… à gueuche de ch’bar, un gant foait ed tchuir pi d’bos avuc sin tamis. Ch’jus d’tamis qu’il o telmint d’mau à s’rétampir, il o s’plache ed souvenanche. Del diversité jueuse…

 

Os étoèmes lo pour chés « Eco-évènements » pi dviser ed nos espériences. Des faiseus d’festival, des gardineus, des cinsiers bio pi d’eutes, os étoèmes tertous lo pour rapinser à avoèr soin ed nos adjets.

Cmint qu’on ahanse chés cocarettages ?

Adou qu’o met chés eules ed friture ?

Mi, je n’foais pus ed réclamouques !

Des gattes in porchlaine dins un concert ed musique d’achteure ! N’est mie possibe por el sétchurité !

Del diversité ed chés fiètes…

 

Durant ch’diner, a dvise, a berdèle. Ed l’Oèse, ed Rouen, ed Bertagne, o vnons de grammint d’poéyis rapport à nos travails.

Ch’drapieu-lo edvint chl’estaminet, ch’est qué poyéis ?

Une réderie, ch’est eune brocante ?

« Is veultent quoi ? » Quoé qu’a veut dire ?

Pi Tiodave qu’il est lo terduiseu conme toudis

Del diversité d’chés lankes pi d’chés tchultures…

 

Ech CAT ed Gézaincourt, il est fameux !

Chl’aéro qu’os prindez pour vos vagances, chés egvilles ed montage… ch’est eux !

Ch’est itou 700 tonnes ed compost per énée pour vos gardins !

Del diversité des oeuvrages pi d’leus gins…

 

Diversité ed bétail, ed verdure, chl’artique-lo il est écrit in picard pour eune diversité itou tchulturelle. Soin à vos adjets !

 

Nomdézeu !

 

TRADUCTION EN FRANCAIS

Repost 0
Published by nomdezeu - dans J'étais là
commenter cet article
10 février 2012 5 10 /02 /février /2012 21:14

Tchestion de civilisation….

 

Brin à chés meudiries cabaloères ! Os ons pon attindu un minisse pour ès motcher inter nous eutes amiteusemint de nos tchultures… Erbéyez « La vraie carte de France » dsur Tchulmadjet. Adon vlo el mienne ed carte =

 

http://farm8.staticflickr.com/7207/6853008025_f7dfb0ecd8_b.jpg

 

Nomdézeu !

Repost 0
Published by nomdezeu - dans Revue de presse
commenter cet article
7 février 2012 2 07 /02 /février /2012 21:02

http://mythologica.fr/rome/pic/penates.jpgNos fiètes d’adjets

 

Chés adjets

 

Chés adjets, ch’est chés dius d’un liu. « Tu connoais nos adjets ! » qu’o dit à un amisse qui rinte dins s’moéson. Pour chés Ronmains, ch’étoait leus pénates. « Regagner ses pénates » qu’o dit in frincés.

Foaire eune fiète pi miler à n’point foaire des monts d’huche, gadrouiller du courant pi carquer chés invités ed réclames, ch’est avoèr soin de nos adjets.

 

Rapprinde à ratrucher pi à réder

 

Ch’est d’un malaprin sins nom ed ratrucher ès gatte si os êtes Frincés ! Dins chés boins resteurints, o tchitte es gatte berdouillée d’seuce. Nous eutes, Picards, o ratruche !

Dins l’Grinde Picardie, os sonmes chés preumes à daller à chés réderies. Acater eune réderie pi el rétampir pour s’in seuvir, ch’est no pécavi !

 

Ecolomie d’courant

 

Nomdézeu, j’berdèle, j’berdèle pi j’o mie soin ed vo courant ! Ch’étoait jusse pour vous dire èque j’vo daller mon Marius pour eune jornée dsur « Les évènements éco-responsables » ahansée par ch’CPIE el 10 février. Achteure, n’obliez point d’freumer vo cartchulateur apreu avoèr mileu vos émiles, vos chites rédeus pi d’eutes…. pour que ch’courant i seurve à coeuffer chés gins matchés d’froédure !

 

Nomdézeu !

 

  

Repost 0
Published by nomdezeu - dans A venir
commenter cet article
4 février 2012 6 04 /02 /février /2012 16:02

http://cdn-public.ladmedia.fr/var/public/storage/images/news/mallaury-nataf-je-suis-sdf-depuis-mars-reactualise-188403/1640121-1-fre-FR/Mallaury-Nataf-Je-suis-SDF-depuis-mars-reactualise_portrait_w674.jpgPromette la leune…

 

Pindint chés cabales perzidintièles, os sommes échouis ed réclames pour l’un ou pour l’eute.

Evidemmint os ons chés pus fameux : ch’Cayin, Mimolet, Djuillotine pi Barou.


I vo falloèr coésir eune gin pour ête perzidint del France.

El cabale ed 2012 ale est maouaise, plein ed viches pi vrimeuse. O n’ vous dminde point ed coésir eune gin qui vo ramonchler tertous pour rétampir l’écolomie del France. O vous dminde ed détriller inter eune pinsée ed droète obin d’gueuche.

 

Dins m’boète à Mile, j’o erchu hier ch’message-lo =

Quand un mec de droite n'aime pas les armes, il n'en achète pas.

Quand un mec de gauche n'aime pas les armes, il veut les faire interdire.

Quand un mec de droite est végétarien, il ne mange pas de viande.

Quand un mec de gauche est végétarien, il veut faire campagne contre les produits à base de protéines animales.

Quand un mec de droite est homo, il vit sa vie tranquillement.

Quand un mec de gauche est homo, il fait chier tout le monde pour qu'on le respecte.

Etc, etc….

Test ultime : Quand un mec de droite a lu ce test, il le fait suivre. Quand un mec de gauche a lu ce test, il ne le transfère surtout pas !!!

Voilà ...

 

Pi dins chés gazettes, j’o lu chl’artique-lo =

  Le clivage droite-gauche serait biologique 

 

Main gueuche, main droète, si y feut sarrer el pognée d’main à chés candidats-lo, qué main qui feut tinde ? =

 

Ch’rasta qui veut mette chés minisses au Smic, foère voter chés éfants d’6 ans pi « Œuvrer moins pour vive miu »

 

El pouillette, artisse déloqueuse ed sin état pi qui veut foère plaisi à chés gins.

 

El voélette, ale vut définde chés fèmes mahométantes qui muchtent leu fidjure pi mette l’ertraite à 60 ans por chés fèmes pi à 65 ans pour chés hommes.

 

Ch’nasu, un joène ed 22 ans qui vut mette un impôt « Robin des Bos » à l’Bourse.

 

Ch’tirloteu qui vut foère élire ch’perzidint par eune tirlotrie.

 

Pi quoé pinser ed chés gins qui n’sont point républitchains (adon ni d’gueuche obin d’droète) conme chés bonapartisses, chés roéyalisses =

Ch’candidat roéyalisse i dit « Putôt que d’promette la leune, dmindez ch’solé »

 

In attindant, chés Sins Fu Adité ed nos rues rimplies d’froédure, ils l’ravistent eux la leune….

 

Nomdézeu

Repost 0
Published by nomdezeu - dans Revue de presse
commenter cet article
29 janvier 2012 7 29 /01 /janvier /2012 22:28

Quind chés accointanches ed min catchulateur is disputent ! 

Des nouvieutés à télécarquer 

"Soin à vous eutes ! Vos moteur ed cache i n'est plus adité, i feut télécarquer el nouvièle guerniture."

Vlo ch'messache que j'voés edpus quèques jors rapport à m'boète às lettes. Avuc m'fiate de nayu, j'o télécarqué Djai Djeule in Chrome pour ête fin trantchille. Pi vlo min malheur !

Tiodave in cronque intarnet

Edpus ch'timps-lo, je n'peux pus invoéyer un mail avuc eune pièche aloéyée. J'edvoais invoéyer ème gazette à 2h d'ermontée pi vlo que j'lo défini à 8h du soèr ! 

J'in foais eune de Djai Djeule !

Nomdézeu ! 

Repost 0
Published by nomdezeu - dans Cassemint d'tête
commenter cet article
29 janvier 2012 7 29 /01 /janvier /2012 14:45

Du trèque à acouter !

 

 

photo

photo
photo
photo
photo
photo
photo
El bèle ed nuit
I n’o des momints adou qu’el nuit pi s'bèle ales sont belles. Pi lo avuc Jean Caron qui cante, ales l’étoaitent coèr pusse pi itou musicales. Por el seurtie d’sin nouvieu album « L’homme s’entête », il o foait un concert à Léo Lagrange à Anmiens. Ch’étoait eune boène occasion ed tchitter no écran plat pour eune bièle soérée, meume si Jean il in o foait eune canchon. Hinri Seuveur li o meume prêté sin gardin d’iver qu’il o rétampi d’un aheutoèr ed musique à li. Ch’concert i cminchoait à 19h30 jusse apreu avoèr bossé pi i falloait eune canchon d’ « Ah ! Ho ! » in bossa pour oblier nos pinsiuseries.
Du trèque
J’y connoais rin in musique. Ch’est-ti des airs jazzy, swing, rock, blues?
Pour mi, ch’est des tesques in dintèle ed Calais, d’in eddins décalé.
El nuit est lo, el frèctème vous foait frinchonner vo tchaine ed dos pi lo Jean avuc ses tesques pi ses musiques vient vos mette eune couverte in trèque ed paroles pi d' notes dsur vos épeules. Ch’est doux, cha récoeuffe pi on resse lo à erbéyer el boène étoèle à Jean qui li foait magineu ses canchons.  

Nomdézeu !
Repost 0
Published by nomdezeu - dans J'étais là
commenter cet article
28 janvier 2012 6 28 /01 /janvier /2012 16:03

Ed l'eule ed voéture pi chés grindes eules !

Des gronnées d'invitacions !

Pour ch'tchul de smaine-chi, j'o grammint d'obligations ! 

- El seurtie de ch'disque "L'homme s'entête" à Jean Caron qui foait un concert à ch'Cinte Culturel Léo Lagrange à Anmiens. 

- Chés âges à Furu (ch'fiu à JMF) à l'Accueil Froid toudi à Anmiens.

- Eune cantelirie à ch'café Maeva dins ch'wartier Sint Leu coèr itou à Anmiens.

Tchestions d'eule 

Edpus quèques jours, min lumion d'eule de m'carette i s'alleume. Avuc des jornées à rallonge, j'o pon ieu l'timps d'aller vuideuler m'carette. Cmint foère ?

Pour el tiotte eule, j'o rindez-vous lindi à ch'garagisse.

Pour chés grindes eules qui sront lo à l'intamure de disque à Jean, j'vo pétète y daller.

Is m'donneront bien eune subvention si m'carette ale resse in cronque, énon ?!


Nomdézeu ! 

Repost 0
Published by nomdezeu - dans Cassemint d'tête
commenter cet article