Overblog Suivre ce blog
Administration Créer mon blog
5 avril 2012 4 05 /04 /avril /2012 22:45

A coups de noisette et de noix !

 

LAFLEUR-Fred.jpgChés Lafleurs ed Chuque 2012

 

1/ SABINE ET BERNARD GODARD, des jornalisses ed France 3 Picardie (10 gueugues/ 20 neusètes)

Des gins amiteus pi rédeu d'picard

Allez vir leu blog ichi !

 

2/ TIODAVE pi El Ferme Grébénote (6 gueugues / 6 neusètes)

 

3/ FRANCOIS PERY pi s'méthode ed pipasso (6 gueugues / 9 neusètes)

Un live à acater dsur El Ferme Grébénote

 

Pi coèr Ch'Cinte Georges Demarquet ed Bieuvé qui foait des cours ed picard dins l'Oèse

 

Chés Lafleurs ed Brin 2012

 

1/ MAIRIE DE BEAUVAIS qui vut démazinguer El Plache du Ju d'Paume pi foère un moète-marqué à l'plache

(12 gueugues / 20 neusètes)

 

Pi itou El Ferme des 1000 vaques à Drucat ou coèr ch'Comité Régional du Tourisme avuc des fotos ed Californie

 

 Nomdézeu !

Repost 0
Published by nomdezeu - dans Revue de presse
commenter cet article
1 avril 2012 7 01 /04 /avril /2012 17:55

DISCOURS DE MANDAT D'UN LAFLEURISE

 

tiodave-mai-08-sourire.JPG

 

Selon les derniers sondages

 

Ej vu ermercier tertous chés académiens qu'is ont ieu fiate à mi ! Ch'est un grind honneur pour mi d'avoèr min nom dins chés chuqueulafleurisés. J'in sus coèr tout émotionné....

 

Remerciements

Merchi gramint à =

Mr Renaud, ch'maire d'Harponville, qui m'o foait connoaite TERTOUS à l'âge ed 20 ans.

Laurent Devime qui l'o mis ème main, min tcheude pi min bros intier dins chés espectacles picards.

Eme grind-mère qu'ale dvisoait picard pi coèr toudis in 2007.

Pi tertoutes chés gins qui m'ont aidié pour ch'parlage pi l'tchulture picardes.

Ch'prix-lo, i s'ro bin visibe inter ch'calindrier ed chés Postes pi l'télé sur el traite picarde ed no moéson !

 

Des sondages incertains

Des maudiseus is ditent que ch'est des jornalisses qui éroètent ch'prix ed Lafleur ed Chuque 2012 à l'plache ed mi !!

Je n'pu mie magineu èque des cabales jornaleu-politiques is ieuchent pu imporviner chés cahuètes de nos braves académiciens !

Si ch'est véridique, ch'est un bel hommage à Sabine pi Bernard, des picards ed jornalisse, qu'is ont à tchoeur no parlage, no tchulture pi no poéyis !!!

 

 Nomdézeu !

 

NB = C'est le premier avril !!!

Repost 0
Published by nomdezeu - dans Cassemint d'tête
commenter cet article
30 mars 2012 5 30 /03 /mars /2012 14:45

Ou la Picardie coquine

 

http://img.youtube.com/vi/fqKHxvh8_cc/0.jpgLa p'tite Péronnaise, ale foait gramint dviser dsur chl’arnitoèle pi à l’télé. Un momint ed dreulerie bin picard qui persinte chés gins ed Péronne qui savtent d’rire ed toute ! Ch’pus bieu, ch’est d’vir tertoutes chés achuchons pi chés gins rassimblés pour baler pi canter dsur eune canchon ed canesson !  

 

 

 

 

 

 

Après la petite péronnaise, os verrons-ti ?

 

Albert, mon prince

La Frivole Escarbotinne

Condom Folie

Le Branle de Bresle

Le notaire de La Chavatte

Les effeuilleuses de Feuillères

Une partie de Frettecuisse

A Gueudecourt

Nibas, ni tchulotte

J’en Rogy d’avanche

De Vergies à Vitz

 

Vos devoèrs à l’moéson

Pindant tchinze jours, chés nazus is doètent pus foère leus devoèrs à l’moéson.

Mi j’perpose à chés honmes pi chés fèmes ed foère leus devoèrs à l’moéson. Chés sujets is sont pus heut. Avuc un tesque, une canchon….

obin coèr eune jumnastique ed cambe….

 

Nomdézeu !

Repost 0
Published by nomdezeu - dans Revue de presse
commenter cet article
24 mars 2012 6 24 /03 /mars /2012 22:18

LOGO-Accueil-froid-Amiens-2012.JPGErvnu d’eune série à Sint Leu, j’o foait eune verlée à un liu cavéoute d’Anmiens.

J’imagineu vir toute seurte de mawaises gins. Eme carette plachée, quèques pos in défilé dins des colidors pi à gueuche un atcheuil in canapé. Ch’est don lo l’Accueil Froid Salon de Coiffure ?! Del musique d’achteure pi des joènes !!! Vlo-ti don chés bas-fonds d’Anmiens !?

Un liu cavéoute que j’vous dis !!! Soin ! Os sonmes in 2012 ! Is ont point oblié ch’lumion del porte ed seurtie, chés éteigneus pi ch’est rédeu d’vir eune gin vnir ramasser chés gobes vuides à msure tout l’long del soérée. Del cavéoute à l’seuce 2012…

 

Del boène musique, des gins qu’is baltent, qu’is acoutent, d’eutes qui dvistent à ch’comptoèr avuc eune bière à prix d’amisse.

 

Et dire èque ch’est des éfants ed gins del langue pi del tchulture picardes qu’is m’ont parlé de ch’liu-chi !

Ch’darnier coeup qu’o m’o parlé d’un liu cavéoute ed musique à Anmiens, ch’étoait coèr à coeuse ed gins matchés ed parlage picard, un liu ed chés Indiens Picards qu’os appelle achteure « La Lune des Pirates ».

Si chés éfants ed picardisant is continutent comme cho, os érons pusse ed 100 lius pour chés artisses alintour d’Anmiens !

Un atcheuil froéd comme o, j’in vu tous les jours !

 

Nomdézeu !

Repost 0
Published by nomdezeu - dans J'étais là
commenter cet article
24 mars 2012 6 24 /03 /mars /2012 16:11

Des terrorisses picards

 

Os n’avoez seurmint intindu parler èque ch’étoait el Smaine del Francofonie. Il falloait avoèr soin de sin parlage frincés. Point d’mots inglais ou coèr pire des mots ed patoés !!!

Bin des malaprins, des joènes à castchette, des meurdreus parlagistiques, is ont ieu l’aplomb d’foère un attintat ed parlage picard dins ch’wartier Sint Leu d’Anmiens en soérée.

 

Maeva Bar, ch’est un café del rue Sint Leu fin trantchille pi ed boène pratique. Vers 5 eures d’ermontée, un messache sur Tchulmadjet : Concert improvisé picard Happy Hour à 18h au Maeva Bar. Chés terrorisses is annonchtent leu attintat !

 

Chés preumiers is étoètent deux : un trafiqueu ed musique picarde pi un intégrisse picard in cadot à reules….

 http://farm8.staticflickr.com/7135/6865020640_07994b7896_b.jpg

Pi lo des coses hontabes que je n’pus point vos raconter rapport à chés éfants qui porroètent lire min mot d’billet. Vlo chés fotos !

http://farm8.staticflickr.com/7242/7011153085_a30bb5d713_b.jpg

 

 

http://farm8.staticflickr.com/7094/6865036280_d6b700dbe0_b.jpg

 

 

http://farm8.staticflickr.com/7213/7011146523_2a1c5241ce_b.jpg

 

 

 

Is ont ervindiqué leu attintat rapport à chés mots picards défunctés à coeuse del politique parlagistique del France ! El virie ichi

 

No jornalisse ed Nomdézeu TV, il o pu prinde eune foto ed chés mimbes de ch’réseau terrorisse ed Sint Leu qu’is s'ramonchèltent souvint amon d’eune boutique ed lives « Book in the machine ». Un nom inglais qui s’affiche in plein mitan del rue Sint Leu !

 

http://farm8.staticflickr.com/7226/7011151601_c931cc0dc9_b.jpg

 

Pi vlo el virie de chl’attintat. Béyez chés pauves gins estomatchés ed terreur pi  chl’Hotel-Diu d’Anmiens démazingué par el violenche de ch’carnage !

 

Nomdézeu !

Repost 0
Published by nomdezeu - dans J'étais là
commenter cet article
21 mars 2012 3 21 /03 /mars /2012 21:59

http://jeanquichante.free.fr/images/pochette-homme-sentete.jpgInnhui, Jean Caron i m’o dmindé de vnir àch’Cinte Tchulturel Léo Lagrange à Anmiens pour dviser ed chés canchons picardes avuc des parints pi leus éfants. Os ons d’abord parlé ed chés surpitchés rapport à l’mienne Tiodave.

Os ons déteupé chés canchons frincèses del Picardie conme Amant de Saint Jean, Réveillez-vous Picards ou coèr Roses de Picardie. Pi apreu, j’leu ai amoutré el canchon « Le lion est mort ce soir » que j’o terdui in « Cheg gvo est mort pèr nuit ». Ils l’ont treuvé rétuse pi on l’o canté tertous insanne. Point tchestion d’oblier « Madame Duvivier ». Eune canchon à canter pi itou à danser ! Is ont vite apprinds chés pos tout in apprenant chés paroles. Des espécialisses quasimint !

 

Pi pour treuver pi déteuper des mots picards, ch’étoait un festival !

D’un gvo os ons passié à chés vaques, chés vieus pi chés vius avec des cayèles ou des cadots. Chés jonnes is étoètent ébeudis d’intinde chés mots picards qu’os avons pour chl’arnitoèle. Pi « lol » sero biétôt rimplaché par « ddr » (défuncté d’rire) sur chés preuchains émiles ou chés tecstos ed chés jonnes.

 

Chés gins fin hérus d’intinde pi ed décoeuvrir du parlage picard mais il déjo l’eure ed finir.

« Tiodave, edmain, ch’est chés ages à manman, cmint que je pu li canter ?! »

Un boin âge à ti z’eute, Un boin âge à ti z’eute, manman,Un boin âge à ti z’eute….

 

TRADUCTION EN FRANCAIS

 

Nomdézeu !

Repost 0
Published by nomdezeu - dans J'étais là
commenter cet article
18 mars 2012 7 18 /03 /mars /2012 18:59

Des lives, del musique pi des artisses ed Picardie...

 

http://farm8.staticflickr.com/7184/6847652168_b028dc3b2e_b.jpgMin cartchulateur in cronque

Pour chés rédeus grébénotiens pi tiodaviens, os avez pu suire mes tracassemints pi mes litanies informatiques dsur ch'blog-chi, dsur Tchulmadjet ou toutédrot sur www.grebenote.com. Il o fallut eune sémaine pi Ch'Couset pour rahanser, rétampir pi raneuvir min catchulateur.

 

Vinde du picard

A n'est point aisé d'ête présint dsur chl'arnitoèle pour vinde des lives, des musiques in picard.

El boutique EFG 1.0, ch'étoait un catalogue à télécarquer pi un bon d'commande à imprimer pi à invoéyer par Chés Postes. Eune pourète dins chl'acrinquillage pi vlo tertous chés teskes, chés imaches dech catalogue défunctés. Erfoaire toute ! Du brin ! Ej vo rapinser à tout cho pi pétète foaire un site wèpe ou eutes pour vinde mes Produits Culturels Picards.

 

Catalogue des Produits Culturels Picards

Ch'catalogue il est toujours valabe in attindant. J'vo prinde quèques jours pour déteuper eune neuvèle fachon ed foaire min étal.

 

Acatez Picard !


 Nomdézeu !

Repost 0
Published by nomdezeu - dans Cassemint d'tête
commenter cet article
16 mars 2012 5 16 /03 /mars /2012 15:54

Ses « blancs » qu’on n’aime pas

 

http://farm8.staticflickr.com/7041/6841288966_037830254e_b.jpgSins cartchulateur

 

Edpus Sanmedi, j’étoais sins cartchulateur. Adon impossibe de m’vir dsur intarnet…

Ch’étoait un blanc ed Tiodave dsur ch’wèpe.

 

 

 

 

 

 

 

Des blanques neiches à l’télé

Jusse pour dire adé à des gins défunctés qu’is étoètent fameux à l’télé à leu fachon =

Gérard Rinaldi ed Chés Charlots pi Marc et Sophie 

Didier Destal, chl’epsycologue del preume émission ed téléréalité « Loft Story »

Jacques Francini, ch’clone ed « La Piste aux Etoiles »

Pierre Tornade, ch’capitaine Dumont de « La 7ème Compagnie »

Michel Duchaussoy qu’il o jué Abraracourcix dans ch’flim «Astérix et Obélix : Au service de sa Majesté » qui seurtiro au ciléma in octobe 2012.

 

Des blanques âmes

J’in sus coèr émotionné… Des éfants avuc coèr du lait à leu naze qui défunctent dins un acsidint d’eutocar in Suisse. Un blanc d’silinche qu’os ons intindu innhui à 11 eures du matin in Belgique… Mes pinsées pi amitiés à nos amisses flaminds ed Heverlee pi ed Lommel.

 

Vrede aan hen

 

Nomdézeu !

Repost 0
Published by nomdezeu - dans Revue de presse
commenter cet article
6 mars 2012 2 06 /03 /mars /2012 23:23

Une langue disparaît tous les 15 jours

http://idata.over-blog.com/0/45/61/13/joyeux-no-l/Aficha-2012---copie.jpgEl tour ed Babel ale est in train d'fonde. Chés èspécialisses ed parlage is l’ditent tertous. El mitan (50%) ed chés parlures de ch’Monne vo défincter d’ichi 2050. Eune lanque qu’ale est pon rintabe écolomiquemint, ale vo à l’huche !

Meume in France, achteure, il est trop d'tard pour intinde eune gin dviser in lanque sifflée des Pyrénées ou coèr in judéo-provençal

 

EL GRINDE PARADE ED CHES NATIONS PICARDES

J’o l’reuve  que tertous chés « gins picards » is erconnaichent del Nation Picarde (avuc leu parlage, leu patoés, leu culture, leus traditions). A quind qu’o véro eune grinde parade ed chés Poéyis Picards Tertous Insanne (conme à Lorient pour chés Poéyis Bertons) dsur ch’Mail à Anmiens, dsur l’Plache des Héros à Arro, rue Brûle Maison à Lille ou coèr su l’Grand’Place ed Tournai ?!!! Je l’véro-ti de min vivant ? Ej n’in brais d’avinche d’émotionnemint de vir cho ! Chés canteus, chés diseus, chés cabotans, chés gayants, tertoutes chés gins qui foaitent du parlage chti obin picard rasannés dins eune grinde parade pour tertous ! Por no Nation Picarde amiteuse avuc èse main dsur sin tchoeur ed fier-tchul d’Picard obin de Chti.

 

A défeut d’cavalcade

El 31 mars 2012, ch’est eune Manifestation nationale des langues régionales.

Os put moutrer èse picardité in dallant à =

A Longueau  (80) pour ch’espectaque « Laboureurs de Terre, Laboureurs de Mer » d’Amuséon avuc chés contes in picard ed Jean-Marie François.

A Ons-en-Bray (60) pour l’Assimblée Générale ed Tertous pi pour l’Académie des Lafleurs

 

Des coeuchures pi des aulx à chés fernètes !

Pi porquoé point eune coeuchure à vo fernète pour rappeler à chés imbléyeus d’politique que ch’coeup d’pied ed Lafleur il est toudis prêt !

Obin ed l’al pi meume eune tresse d’als à vos cassis pour amoutrer qu’os êtes conte d’abolir chés viannes à l’al del castrolomie ed nos bieus poéyis ed Grinde Picardie !

Envoyez les photos de vos chaussures et aulx à vos fenêtres!

 

Nom des aulx !


 

Repost 0
Published by nomdezeu - dans A venir
commenter cet article
4 mars 2012 7 04 /03 /mars /2012 16:30

2 cabales à foaire pour ête éli

http://farm5.staticflickr.com/4114/4821252307_20f3edf217_z.jpg

Tiodave inforché

Comme tertous j’o min ouvrage el long del smaine. Pi apreu, el soèr ou à ch’tchul del smanne, j’o coèr min interprinse à pinser pi aladon à mi. A quand qu’os érons des jors à 48 eures ? Ed l’ouvrage, a n’minque point pi adon j’sus inforché. J’intinds déjo vos étonnemints : « Bé, Tiodave, i doét avoèr des salaires du diape ! ».

Seulmint chés picardisants is vos l’diront : « Edpus quind qu’os sonmes poaiyés pour écrire, dire pi foaire du picard !? ».

 

 

 

 

 


500 à ratrucher

J’sus achteure candidat pour ête éli Lafleur ed Chuque 2012 avuc l’Académie des Lafleurs.

El cabale ale est durte pi caterneuse.

Pi vlo que j’foait itou cabale pour ête Talents d’Entreprise 2012. Avuc El Ferme Grébénote, j’sus à rimplir chés papiers pour ête candidat. C’est gramint complitché rapport àch qu’o m’dminde min programme pour chés 3 énées qui viennent ! J’vos-ti ratrucher chés 500 eures dins min arméno d’minisse por aboutir ème perzintation à chés Talents d’Entreprise 2012 ?!


Merci de soutenir Tiodave par un petit message d’encouragement !

 

Nomdézeu ! 

Repost 0
Published by nomdezeu - dans A venir
commenter cet article