Tiodave pi ses idées à li
Investi à l’insu de mon plein gré
Mars 2008, éli maire d’Equerbotin
Yo 4 ans, j’étoais à min cartchulateur in train d’euvrer pi j’avoais l’télé d’alleumer. Pi d’un coeup, j’intinds min nom à ch’poste pi que j’sus éli maire d’Equerbotin ! Je n’étoais saisi ! J’o pinsé à tous chés gins qui m’connoaissent pi qui vont pinser que j’sus maire d’un poéyis que je connoais point.
El canchon « Ch’maire ed Freuville-Equerbotin »
Adon j’in o foait eune canchon d’où que j’parle que ch’ Préfet i m’appelle pour dire que chés jonnes d’Erquerbotin is m’ont éli pi qui feut m’in aller tourade à Freuville ! El canchon-lo ale est achteure cantée dins toutes chés boènes fiètes picardes.
Elle est itou dins l’anthologie ed chés canchons picardes d’Achteure (liméro 2338).
Pi inter parsonnalités du Vimeu, l’Amiral Kerouak m’appelle quèquefos « ch’Maire d’Equerbotin ».
13 mai 2012 à none
Il étoait none quind ch’téléfone i sonne.
«- Allo, os êtes David ? »
« - Sié ! »
« - Bon, ben Marc pi Marielle is ont dvisé insanne pi os vous o coési pour ête candidat à chés élections d’député dins ch’Vimeu ! »
« - Quoé qu’ch’est que l’affoère-lo ? Je n’comprinds rin ! »
« - Os êtes bien David ? »
« - Asseuré ! »
« - Os êtes ch’maire d’Equerbotin ? »
« - Nan ! »
« - Ho ! Estchusez ! O s’est berluré d’David ! Adé »
Dis l’eute David ! J’croés qu’i feut qu’o coeuse insanne !.....
/http%3A%2F%2Ffarm4.staticflickr.com%2F3737%2F11875377586_3db157ae39.jpg)
/http%3A%2F%2Flebloguedeletourneau.wordpress.com%2Fwp-content%2Fuploads%2F2010%2F09%2Fflaner21.jpg)
/http%3A%2F%2Fupload.wikimedia.org%2Fwikipedia%2Fcommons%2Fthumb%2F3%2F39%2FCarte_de_la_Picardie.svg%2F744px-Carte_de_la_Picardie.svg.png)