Asimbonang' u Mandela thina
/http%3A%2F%2Fmw2.google.com%2Fmw-panoramio%2Fphotos%2Fmedium%2F63494687.jpg)
Os l’on point vu.
Je l’o appris per tchoeur el canchon « Asimbonanga ». J’étoais coèr au collège pi j’étoais matché ed chés canchons à Johnny Clegg. L’Afrique du Sud, je l’o démuché avec el canchon-lo. Chés musiques, chés danses, tout cho m’o foait balé. Je n’avoais des freumions dins mes gambes !
Chés sud-africains dins l’Sonme
Pi j’o été vir quoé ch’est que ch’poéyis-lo. Et j’o vu qu’is étoètent vnu à Longueval in Picardie pindant l’djère de quatore. J’o été vir ch’molumint d’achteure pi chl’abe qui resse coèr.
Chés Picards d’Afrique
El ferme « Picardie », à couté de ch’Cap, raminteuve chés huguenots picards qui sont vnus in Afrique du Sud pour avoèr un molé d’liberté. Is étoètent quasimint eune chintaine pi j’o idée qu’os ons dvisé picard quèques énées, lo, in Afrique….
Nelson Mandela, ch’est un molé no tayon picard d’Afrique…
