Overblog Suivre ce blog
Editer l'article Administration Créer mon blog
20 décembre 2013 5 20 /12 /décembre /2013 16:58

Mettez du parlage picard à vos farnètes !


 

Guénel pi Abe ed Noé

 

http://farm8.staticflickr.com/7388/11466433225_2ef52f1264_o.jpgEdpus fin octobe, os avoez seurmint à vos moésons eune guénel (vir min artique du preume novimbe 2013) sinan il est coèr timps d’in foère eune !

Dins quèques jors, ch’est Noé ! Os avoez idée d’aller rondébilis acater un sapin d’Noé fin tchèr pi d’mette edsur des monts d’plastique avuc vos djirlandes pi vos bourles….Binde ed dépinsieux !

Prindez un viu pot ou un sieu, rimplichez-lé ed terre obin d’sabe. Pi apreu allez tracher des vièles branques tortuses dins vo gardin ou dins chés camps. Plintez-zé dins ch’pot.

Insuite, décoeupez des cavieux d’anges, des bindes, des morchieux ed toutes les fachons dins chés couleurs ed chés réclames qu’os avoez erchu tout l’long ed l’énnée dins vos boètes à lettes. Ahotchez tout cho dsur chés branques pi os érez un bieu Abe ed Noé !


 

Du picard dins chés rues pi pour chés nazus !

Os povez itou foère des pincartes avuc martché dsur “Boin Noé” ou coèr “Boène Ennée 2014” pi zé ahotcher à vos farnètes, vos portes, vos boètes à lettes. Chés gins qui passront edvint vos moésons is sront fin hérus ed vir cho pi pétète meume qu’is buquront à vos portes pour savoèr el signifianche !


http://farm4.staticflickr.com/3693/11177068896_fc9d0e2aea_o.jpg 

Pi pinsez à vos éfants pi vos tchots-éfants ! Fabritcher un Abe ed Noé ! Mette des guernitures ed toute seurte à ses branques ! Foère un bieu dessin avec “Boin Noé” ou “Boène Ennée” qui sro à l’honneur à chés carrieux de vos moésons ! N’in vlo du bel oeuvrage à foère pindant chés vagances !

Que je n’voèche pon un “Méricrissemeusse” obin un “Hapiniouyère” à vos dvintures, sinan j’houppe chés cadoreux pour “Tintative d'imporvinage tchulturel inforchée” !


 

Nomdézeu !


 

Partager cet article

Repost 0
Published by nomdezeu - dans A venir
commenter cet article

commentaires