Meudiries dsur Intarnet
J'viens ed démucher des abominations dsur ch'wèpe !
Quind os ons un molé d'savoèr dsur ch'parlage picard, on connoait ch'rhotacisme qui cange eune lette in R dins un mot. Par egzimpe = Polichinelle (FR) // Porichinelle (PIC) ...
Ch'est un filomène lindjuistique neurmal ed l'histoère ed chés lankes.
Vlà ti point èque chés dviseus ed picard is ont un preublème ed parlage avec el lette L !
Un lambdacisme (canger eune lette in L conme ch'rhotacisme), ch'est eune maladie !
Os dit dins Wiktionnary èque ch'est un troube lindjuistique eslon l'Agince pour el Sinté de ch'Nord Pas de Calais !
In lanque picarde, os ons = liméro (numéro), écolomie (économie)
A ch'docteur, j'vo dminder eune ordonnance "picarde" pour ête miux rimbourser avuc du =
Effelalgan, Prolac, Doliplane, Asplo pi du Viagla !
