Lille-Notre Dame des Landes à pied !

Ch’est point des pieds d’loque !

Ch’quatrième décoloèr

Os ons tertous souvenanche de ch’troésième décoloèr dins l’Sintère in plein mitan del Picardie…. Pi à forche, os ons gaigné ! Il est tan d’aidier nos amisses Bertons qui dvisent ch’parlage gallo. Notre Dame des Landes jusse à coté ed Nantes, el capitale ed chés Bertons ale o bsoin de vos aiudes.

J’sais bien, vous eutes, qu’avuc sin ouvrage, s’ famille, s’ vie d’achteure, ch’est point aisé ed tout tchitter pour aller ervindiquer. Mais aidier des gins picards qui veultent y daller à pied ed Lillo dusqu’à Nantes, ch’est possibe !

Du 8 au 15 jinvier in Grinde Picardie

A l’eure èque j’écris chl’artique-lo (07/01/2012 à 23h30), is sont à Bapaume ! Edmin, is vont à Albert.

08/01/ 2013 : Bapaume à Albert 19 km

09/01/ 2013 : Albert à Corbie 17 km

10/01/ 2013 : Corbie à Amiens 17 km

12/01/ 2013 : Amiens à Conty 21 km

13/01/ 2013 : Conty à Grandvilliers 20 km

14/01/ 2013 : Grandvilliers à Formerie 16 km

15/01/ 2013 : Formerie à Forges-Les-Eaux 15 km

Contact =

marchelillenddl@gmail.com

06 66 88 79 80

Dsur Tchulmadjet = Facebook

Dins vos villages

VOUS EUTES, dins chés villages qui vont trécoper, vous pouvez aller zé vir pour parler, leu donner à minger, leu offrir un lit, un couquage pi amoutrer èque chés victimes de ch’troèsième décoloèr is n’oblitent point chés futurs de ch’quatrième !

Vive chés Picards pi chés Bertons !

D’avinche, j’sus fier d’eux !

PS = Foètes-leu un bé ed min part in incouragemint !

Nomdézeu !