Cabalez tertous !
Ch’Parti Sins Cibe d’Anmiens
Ch’est un bonheur ed vir cho ! Des jonnes pi des moins jonnes qui foaitent el révolucion à Anmiens.
Leu programme en quèques mots =
- - Rimplachez chés panieus d’guidon d’vélou pèr des pianos.
- - Défoaire chés ponts d’Anmiens pour qu’i n’est pus ed paures lazards par indsous
- Abolir chés cants pi canchons d’Noé
- Racater Détroit, el ville ed chés Amériques
- Mette vraimint 3 cailleux dins l’rue des Troés Cailleux
Cha n’est point eune cacoule, eune carabistoulle….
Is ont foait eune lisse ed 55 gins (honme pi fème) déposée à l’Préfecture.
Si j’étoais éliseu à Anmiens, biéseur qu’je votroai pour eus eutes !
J’croèse mes doégts d’main pi d’pied pour qu’os éyèches 5 % à minimum à chés élections !
Allez vir ICHI leu site intarnet pi baillez un molé d’doupes pour imprimer chés bultins d’vote. Ch'est 5000 € à déteuper...
Ch’Parti Sins Cibe à Harponville
I n’o point d’candidat de ch’parti-lo à Harponville mais ch’prougramme i porrait t’ête =
- Taxer l’ieu qui coule in déchindant (à coeuse que no mare ale est in heut de ch’village)
- Foaire des concours de rennes dins l’rue ed Varennes
- Foère un jumelage avec el ville de Manille dins chés Flipinnes à coeuse de ch’concours de manille d’Harponville.
- Impôt sur chés canges, pissous pi layettes ed papar pi d’viu qui passtent à l’Hayette dsur el route D47 d’Harponville.
- Ahanser eune guet-pride dins ch’ecmin du Guet
- Foère un gardin dins l’chinmtière à coeuse de ch’surpitchet ed chés gins d’Harponville « Chés mingeux d’camp d’soèle »
Votez Parti Sans Cible !
