Le logement social sur Amiens

Pour chés rindez-vous, n’travaillez point !

Erfoaire chés casernemints

Is veultent raneuvir chés casernemints del Rue Massenet à Anmiens.

Juin 2012 = J’o erchu eune bièle brochure avuc edz esplications ed quoé qu’is alloètent foaire.

Sectimbe 2012 = Réunion in smaine pour dire à chés gins ch’calindrier. Mi que j’travaille in smaine, os avez-ti ieu ch’calindrier ? Mi j’attinds coèr.

30 jinvier 2013 = Eune lette pour dire qu’is alloètent passier pour un diagnostic pi aladon dins « quèques logemints ».

19 février 2013 = Rindez-vous pour un diagnostic « Amiante » (??!!!!). Is étoètent à troés parsonnes à invahir min logemint quasimint sin bojour. Un dins l’tchuisine, un dins l’salle d’ieu pi un eute dins  no moéson.

Un coeup d’martieu, pi vlo un morchieu d’carrieu del salle d’ieu involé pour « Analyse Amiante ». J'attinds coèr chés analyses pour vir quoé qui n'est ed mes poumons.

Canger d’moéson

Os êtes tertous el long du jour à vos moéson, énon ? Quièche qui put habiter un casernemint social pi travailler, cha n’est mie possibe  ?!

Lindi 4 march 2013  = Un mot d’billet dins m’boète às lettes = :Os étoez point lo innhui. Merchi d’prinde rindez-vous pour canger d’logemint. Ah bon ! Is alloètent vnir innhui ?

Mercrédi 6 march 2013 = Un coeup d’téléphone pour prinde ch’rindez-vous. "Ah, vous étiez absent parce que vous travaillez ! Ben, os viendrez à ch’rindez-vous avuc vo carte d’idintité, vos impots pi vos feules ed salaire "

Vingt Diapes ! Cho, ch’est du social…du cangement ed logemint social à l’mode 1940 !

Nomdézeu !