Overblog Suivre ce blog
Editer l'article Administration Créer mon blog
21 mars 2014 5 21 /03 /mars /2014 16:35

 

Houpemint pour ch'parlage picard

 

 

Ch'est bel et rude d'attinde...

 

http://www.picardie.fr/local/cache-vignettes/L250xH375/arton6598-34c90.jpgFin jinvier, nos députés is avoètent voté por el Charte ed chés lanques régionales. Pi i feut achteure que ch'Sénat i vote itou el affoère-lo pour cmincher à avoèr un rapinsemint d'ramintuverie de l'voter offichièlemint avuc ch'Parlemint (ch'ramonchèlemint ed l'Assimblée pi ch' Sénat). J'trache tous les jors dsur intarnet el date de ch' votage à ch'Sénat. J'attinds, j'attinds...

 

O houppe à dviser picard !

Ch'Consèl Régional ed Picardie i vut èque chés jonnes (chés joènes, chés jonnes à castchètes) pi chés moins vius is s'ermettent à dviser du picard. Adon, il o ingénié un houpemint às proujets qu'o povez raviser ICHI.

Mairerie, Conmeunauté ed conmeunes, achuchonages pi eutes os povez télécarquer ch'dossier pi ahanser un évènemint, eune fiète obin eute cose aladon.

Artisses qu'os seuchiez téyatreux, musiqueux, canteux, dessineux, intailleux, flimeux, ch'est l'momint ed vous achuchonnez avuc un diseu ed parlage picard !

 

Tiodave i vous attind

Je l'avoais déjo mis dsur Grébénote l'idée-lo de s'foère rincontrer chés artisses pi chés picardisants.

J'o edz idées à l'gronnée : viries pi coèr miu flims, dépuliage ed lives pour chés nazus, picardiser eune fiète, un festival déjo adités, oeuvrer avuc un artisse pour foère edz espositions.

 

O put foère ed toute avuc ch'parlage pi el tchulture picardes, tout parèl qu'in frincés ou in inglés !

 

Nomdézeu !

 

(C) Crédit photo : Conseil Régional de Picardie

Partager cet article

Repost 0
Published by nomdezeu - dans A venir
commenter cet article

commentaires