Overblog Suivre ce blog
Editer l'article Administration Créer mon blog
18 septembre 2014 4 18 /09 /septembre /2014 21:59

 

Ch'est du timps à Mimolet pi d'Ecoche !


 

Du vint d'Ecoche


Tertous i l'est à miler chés votations d'Ecoche pour leu indépindanche.

 

A sro-ti sié obin nan, yes or no, se no chan eil, scots or no scots ?

 

Pi qué gouvernemint qui vont prinde, is vont-ti warder el reine Zabète ? Maginons qu'is rprintent un roé ou eune reine ed Picardie, a sroait un bièl hommage à nous eutes Picards qui leu avons donné un roé pi qu'os avons débagagé à Edimbourg dins ch'wartier d'Picardie à coeuse os étoèmes protestints.

 

 

Ch'timps à Mimolet


 

Dsur Gazouilli, o n'pouvoète èque vir cho ! « Y o un hernu du diape dsur Péris ! Biésur, Mimolet vo foaire un discours ! » qui écrivoètent chés jornalisses in route mon Lysée. Pi dins ch'catieu perzidintiel, ch'est coèr pire ! Une fuite d'ieu à ch'plafond de l'salle des fiètes ! N'in falloait mie pusse pour croère èque Mimolet il alloait annoncher ed grindes coses… « Eslon qui pleut, Mimolet prometteu ! » qui dit ch'proverbe.

 

 

Vergies, village ed riches


 

Ch'proverbe i dit bien « Eslon qui pleut, Mimolet prometteu ! ». J'pus déjo vous annoncher qu'à Vergies, à couté d'Oésemont, chés gins i vont êtes libes d'impouts à vie pi ch'salaire i sro à 2000 uros l'jour !…

 

Pour vous dire, à six eures d'ermontée, j'trécope Vergies pi j'ravise el plaine alintour. Y avoait tcheu des grêles aussi grosses èque des marbes ! Pi j'm'avinche dins ch' bos ed Cambos et lo j'o foait patogeoère avuc ème carette pindant un tchilomète avuc 15 cm d'ieux seuvages dsur chés routes qui déchindoètent del planne!

 

 

Bin, ch'est à croère èque si i tchait eune drache dsur mi edmain, ch'est que j'sus éli roé d'Ecoche par Mimolet !

 


 

Nomdézeu !

 

 

Partager cet article

Repost 0
Published by nomdezeu - dans A venir
commenter cet article

commentaires