Tiodave pi ses idées à li
Innhui, j'o abattu avuc min cousin ed Monteuban un abe qui avoait el pécavie de vouloèr afflater ch'toét del moéson avuc ses branques. A dus (min cousin pi mi), os ons foait ed no miu. Ch'viu pouillier de m'grind-mère, il l'o fondu avuc chés darinnes branques tchaittes edsur.
A 3 eures d'ermontée, Douèr pi sin camarate del Fondacion Dech Patrimoène, is étoètent lo pour m'donner des consèls pour rétampir el moéson, chés granges pi toute. Pour chés espécialisses-lo, y feut démonter tout ch'crépi pi ch'chimint. Foaire séquir el resse à l'air libe pi apreu dminder à un artisan d'erfoaire el seule pi ch'seulin sins avoèr à démonter tout ch'torchis.
A preume vue, mi pi chés conselleus, os sonmes d'accordage =
Chés granges, ales sont d'apreu 1840 avuc el tcheuriosité d'avoèr des bos in frène décovert ed torchis.
El moéson ale est d'avint 1820 avuc sin four à pain pi l'porte de s'n étchurie qu'ale vo dins l'cambe.
Pour avincher, i feurot ed l'aiude!...
/http%3A%2F%2Ffarm4.staticflickr.com%2F3948%2F15748550285_bdb03162d9.jpg)
/http%3A%2F%2Ffarm4.staticflickr.com%2F3953%2F15681583371_0f988545df.jpg)
/http%3A%2F%2Ffarm4.staticflickr.com%2F3927%2F15449671425_d9be5f5e0b_b.jpg)
/http%3A%2F%2Ffarm6.staticflickr.com%2F5523%2F14228089779_562eacee67.jpg)