Overblog Suivre ce blog
Editer l'article Administration Créer mon blog
29 février 2012 3 29 /02 /février /2012 15:55

El fin du moés tous les 4 ans

 

http://photo.europe1.fr/divertissement/medias-tele/bougie-du-sapeur/16548535-1-fre-FR/bougie-du-sapeur_scalewidth_630.jpgCartchuls complitchés

Os avons déjo assez de nos acatoères à cartchuler. Ch’29 févrieu, i vient in pusse déturber nos vies. Allez vir el signifiance ed « Année bissextile » dsur Wèplocédie. Ch’est des cartchuls du diape pour savoèr quale énée vo ête bissète !

 

Eustérité = Un jor ed pusse, des routes ed moins !

Ch’est innhui avuc chés syndicalisses qui foètent grève pour qu’o étreume autermint chés richesses. Tan pisse pour vous eutes si os avez ieu l’idée de voloèr passier par el zeune ed fabriques d’Anmien-Nord ….

 

El Candèle dech sapeur

Ch’est eune gazette fin rédeuse qu’ale est dépuliée tous chés 29 février ! Innhui, ch’est ch’liméro 9. Pour ch’supplément « La Bougie du Sapeur – Dimanche », o pourrez l’acater el 29 février 2032 à coeuse qu’a sro ch’prochain 29 février qui tchéro un diminche !

 

L’ieu ale baisse !

N’erbéyez point vo facture d’ieu ! Ch’est del Sonme qu’il est tchestion. Fjidurez-vous que ch’Courrier Picard i nous dit que l’ieu ale bache inter Cappy pi Froissy. Soé-disant qu’y n’o un treu dins ch’lit del Sonme !

 

Il étoait point trop tôt, Nithard !

Ritchier ed Cintule pi Berthe ed Laon is doètent s’ertorner dins leus luzets ! Os ons ertreuvé chés oches à Nithard pardus in 1989 (Courrier Picard). Abbé ed Sint-Ritchier, ch’étoait ch’tiot-fiu à Charlemagne pi rédigeu de ch’preume teske in frincés !

 

Nomdézeu !

Partager cet article

Repost 0
Published by nomdezeu - dans Revue de presse
commenter cet article

commentaires