Overblog Suivre ce blog
Editer l'article Administration Créer mon blog
2 novembre 2014 7 02 /11 /novembre /2014 20:55

Des neuvèles incroéyabes !

 

Ch'Père Noé in Picardie ?!

 

No jornalisse invoyé espécialemint dins ch'tiot poéys d'Harponville nous o invoéyé eune incroéyabe neuvèle !


A l'Ferme Grébénote, y avoait un espectaque ed contes pi eune esposition dsur chés tiottes gins ed Picardie.

 


 

http://idata.over-blog.com/2/92/19/51/images-blog-NOEL/8389a507938ea3ff8f3d586c712d132b.pngAvint d'aller à ch'espectaque, Gaël pi s'mère i sont allés à chés jux d'éfant à ch'quatercmin in bos de ch'village.

Il étoait quasimint 5 eures d'ermontée, el nuit cminchoait à tchaire pi lo, Gaël, 5 ans, ch'témoin, il o vu :

"Il étoait lo à ch'carrefour, il avoait eune longue bèrbe pi tout habillé in rouche pi i lavoait s'moto !"

 

Gwendoline, s'mère, ale l'o point vu. "Nan, j'étoais à invoéyer un testo à eune amisse pour qu'ale vinche vir ch'espectaque ed contes pi el timps ed lever mes yus, il (ch'Père Noé) étoait disparu ! "

 

C'est l'preumière foés, in Picardie, èque quéqu'un i voait ch'Père Noé sitôt !

 

No jornalisse i l'o appelé el Moéson de ch' Père Noé qui resse 5 rue des Etoèles au Poéyis des Marvèles 80888 Pole Nord pour avérer el neuvèle.

 

 

 


 

Parsonne l'o répondu ! Il l'est pétète coèr muché à Harponville ?!

 


Nomdézeu !

Partager cet article

Repost 0
Published by nomdezeu
commenter cet article

commentaires