Changer d'horloge

Hier diminche, ch’o cminché à robolir dins mes boyéux d’chervèle.

Edmin, avuc chés votages ed nom d’région, i feudro-ti qu’èj cange d’horloge.

Os allez dire « Ayé, Tiodave i dvient braque ! Qué rapport inter èsn horloge pi ch’nouvieu nom del région ! » Rassurez-vous , min comprindoèr i vot fin bien. Feut vous dire qu’èmn horloge, ch’est un bistoquage ed l’an 2000 d’une coopérative agricole avuc por nom « Les Hauts de France ». Pi lo, os voéyez ch’loéyen inter deux. Si qu’is coéssistent « Nord ed France » obin « Tierres de ch’Nord », allez in treuver vous-eutes des horloges avec chés noms-lo. J’o tchèr d’ème horloge pi j’vu point in canger.

Au matan, pus d’eure !

J’avouos mal deurmi pi ch’coeup d’grace il est arrivé à l’pointelette. Min rével i n’o point sonné, il avoait défuncté dins l’nuit ! Hérusemint qu’j’em sus réveillé edvint qu’i s’alleume. El jornée ale cminchoait bien. I vot falloèr aladon qu’j’acate eune horloge pi un rével. Qué jornée d’brin !

Ouf, je l’o apprinds quasimint à none. Ej n’alloais point canger d’horloge…. A sro Heuts de France. Mais i faro quind meume que j’cange ed rével.

Chés pécavies ed chés politiques a donne du cassemint d’tiète qu'o n'magine point à chés gins comme mi.

Nomdézeu !