Estaminet de Puchevillers

Vlo quèques jours que chl'estaminet ed Puchvilers il a ouvert.

Avuc min achuchonnage ed Sam, os avons raviser el affoère-lo.

Chés liux

Des boutchets dépindus à ch'plafond ed fleurs désséquées, un viu téléfone in bos, des vièles fotos ed Puchvilers, des lives in picard.

Des cabinets d'eune grindeur astrolomique.

Pi , dins ch'porche, eune salle de concert, fin bèle pi atcheuillante.

El boutique

Os y vind du pain, eune tiotte épicerie, des chuques.

Chés bières à l'pression, ch'est del St Omer pi del Goudale.

Mais y o itou des formages picards à vinde = du rollot pi du maroille !

Du rollot pi du maroille à vinde à Puch'vilers, os ons jamoais vu cho !

Chés patrons

Cécile pi Rémi, ch'est des gins amiteux pi plaisants.

Rémi, i parle picard putot èque frincés. Il est né natif ed Pas en Artoés.

A fsoait eune mi-eure qu'os dvisoèmes qu'os nous sonmes atui (tutoyer) !

Aller à chl'estaminet de Puchevillers,

ch'est aladon rincontrer un jueu de ballon au poing, ch'maire ed Puch'vilers, un gin ed Pas en Artois pi dviser insanne.

A chl'estaminet ed Puchvilers, cha sint boin d'ambiance!

dviser in frincés ou in picard, pi simplemint rincontrer des gins.

Estaminet de Puchevillers

Nomdézeu !