300 km pour aller voir le docteur à Villers-Bocage !

Eune tchotte berlure

Chés liméros utiles
Hier, j'o été vir ch'courrier dins m'boète à lettes. Des réclames, coèr. Pi eune pincarte avuc des liméros d'téléfone. Villers-Bocage, chés liméros utiles !
« Bé don, ej vo l'mette à couté dech téléphone. O n'sait jamoais ! » que je m'dis à part mi.
Tiens, y o des dintisses à Villers-Bocage ! Je n'savoais point.

Des liméros baroques
J'vo pour ahotcher ème pincarte pi j'voés chés liméros qui cminchtent pèr 02. Ch'est-ti chés liméros d'téléfone is ont coèr cangé ? Pi j'ravise chés poyéis « Aunay sur Odon, Monts en Bessin, Le Locheur ». Chint noms ! Ch'est-ti qu'avuc chés réformes territoriales, is ont cangé itou chés noms d'village !

C'est un sapré liméro !
I s'a berluré, ch'ti qui l'o prind el commande pour éparder chés pincartes alintour ed Villers-Bocage !
Vlo chés liméros partis alintour ed Villers-Bocage (80) in Picardie à l'plache ed Villers-Bocage (14) in Neurmandie. I l'o seurmint buqué dsur intarnet « Villers-Bocage » pi il o prind ch'preume qui vnoète. Ej vous dis point, un sapré liméro, chti-lo !

« Allo, msieu l'métcin, j'sus Picard ! Pi os connoaichez seumint « ch'quart d'eure picard » adou qu'os sommes in rtard ed 15 minutes. Bé lo, avuc troés chint tchilomètes à foaire, ch'quart d'eure picard, i s'ro un molé pus long ! »

Merci à Médiapost et Numéro-Utiles pour cette bonne rigolade en ouvrant ma boîte aux lettres !

Nomdézeu !